Фортепиано

«6B02115 – АСПАПТЫҚ ОРЫНДАУШЫЛЫҚ»

Фортепиано

Білім беру бағдарламасы бойынша

шығармашылық емтихан өткізу

БАҒДАРЛАМАСЫ

I. Мамандық бойынша шығармашылық емтихан

Бағдарламаны орындау:

1.       Бір полифониялық шығарма (И.С. Бахтың, Д. Шостаковичтің, Р. Щедриннің Прелюдиялары мен фугалары);

2.       Үлкен формадағы бір шығарма: сонатаның бір бөлігі (сонаталық allegro), вариациялар (Й. Гайдн, В. Моцарт, Л. В. Бетховен, Ф. Шуберт);

3.       Бір концерттік этюд.

4.       Тағы бір концерттік этюд немесе виртуоздық сипаттағы пьеса.

Талапкерлер үшін

шығармашылық емтихандарды бағалау критерийлері

І-шығармашылық емтихан

36-50 Өте жақсы:

Талапкер әртістікті, орындаушылық еркіндікті, авторлық мәтінді оқуды, орындаушылық интонация мәдениетін, техникалық шеберлігін көрсетуі тиіс.

21-35 Жақсы:

Талапкердің орындауы мағыналы, дәл авторлық мәтін оқылып, стилистикалық түрде сақталған. Бірақ, ол техникалық еркіндікті көрсетпейді, орындау әр түрлілігі мен және дыбыс сапасымен ерекшеленбейді.

5-20 Қанағаттанарлық:

Орындалатын шығармалардың стилистикасы мен мазмұнын нашар түсіну, музыкалық интонацияның мәнерлі құралдарын жеткіліксіз меңгеру (ырғақ, фраза сезімі, көркем-бейнелі орындау, есту бақылауы).

0-4 Қанағаттанарлықсыз:

Ұстамдылықтың, бастаманың, ырғақтық еркінің болмауы, орындаушылық интонацияның техникалық және көркемдік құралдарын нашар меңгеру, бағдарламаның түсу үшін қажетті деңгейге сәйкес келмеуі.

ІІ. МУЗЫКА-ТЕОРИЯЛЫҚ ПӘНДЕР БОЙЫНША ЕКІНШІ ШЫҒАРМАШЫЛЫҚ ЕМТИХАН

Гармония – билеттер бойынша ауызша (туыстықтың бірінші дәрежелі үндестігінде модуляция ойнау, өтетін хроматикалық дыбыстарды қамтитын диатоникалық немесе хроматикалық жоғары немесе төмен секвенция; туындының бастапқы кезеңіне гармоникалық талдау);

Сольфеджио – жазбаша: хроматизмдермен, альтерациямен, ауытқулармен немесе туыстықтың бірінші дәрежелі тоналдылығымен модуляциямен кезең түріндегі 2 дауысты диктант.

Талапкерлер үшін

шығармашылық емтихандарды бағалау критерийлері

ІІ -шығармашылық емтихан

36-50 Өте жақсы:

Диктантты дұрыс жазу; гармонияның теориялық курсының тақырыптарын терең білу; гармоникалық талдаудағы функцияларды дәл анықтау; модуляция және секвенция ойнау дағдысын еркін меңгеру.

21-35 Жақсы:

Диктантта шамалы дыбыстық және ырғақтық қателіктердің болуы; гармонияның теориялық курсының тақырыптарын жақсы білу; модуляция және секвенция ойнау дағдыларын жақсы меңгеру.

5-20 Қанағаттанарлық:

Диктант жазудағы елеулі қателіктер; гармонияның теориялық курсының тақырыптарын орташа білу; гармоникалық талдаудағы функцияларды дұрыс анықтамау; модуляцияларды ойнау және секвенцияларды құру машықтары мен дағдыларының жеткіліксіздігі.

0-4 Қанағаттанарлықсыз:

Диктант жазу, модуляциялар мен секвенциялар ойнау дағдыларының болмауы; гармонияның теориялық курсының тақырыптарын білу деңгейінің төмендігі.