Консерватория жаңалықтары

Музыкатану және композиция кафедрасының аға оқытушысы Мұсахан Данара Ерұланқызы 2019 жылдың 9 желтоқсанында Қазақстан Республикасының «Дарын» Мемлекеттік жастар сыйлығының лауреаты атанып, 10 желтоқсанда ҚР Президенті Қасым-Жомарт Тоқаевтың қатысуымен өткен Жастар жылының салтанатты жабылу рәсіміне қатысып қайтты.
Әріптесімізді «Дарын» Мемлекеттік жастар сыйлығының лауреаты атануымен құттықтаймыз!

Бүгінгі консерваториямыздың үлкен концерт залында өткен Қазақстан Республикасының Мәдениет және спорт министрі Ақтоты Рахметоллақызы Райымқұлованың Президент жарлығы бойынша мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін мәдениет саласы қызметкерлеріне тапсырған мемлекеттік наградаларына лайықты  болған қуаныш иелері қатарында консерваториямыздың қызметкерлері де бар.

Бүгін Егемен еліміздің ең ұлық мерекесі – Тәуелсіздік күні қарсаңында Құрманғазы атындағы Қазақ ұлттық консерваториясының үлкен концерт залында Қазақстан Республикасының Мәдениет және спорт министрі Ақтоты Рахметоллақызы Райымқұлова Президент жарлығы бойынша мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін мәдениет саласы қызметкерлеріне мемлекеттік наградаларды тапсырды. Марапат соңы консерватория студенттері және оқытушыларының қатысуымен ұйымдастырылған концертке ұласты.

Бүгін Нұр-Сұлтан қаласындағы Қазақ ұлттық өнер университетінің Ж. Жабаев атындағы Үлкен залында Қазақстан Республикасының Тәуелсіздігіне және Құрманғазы атындағы Қазақ ұлттық консерваториясының 75 жылдығына арналған консерваториямыздың «Халық музыкасы» факультетінің МЕРЕКЕЛІК КОНЦЕРТІ өтті.
Шараны консерватория ректоры Арман Жүдебаев ашып, Ұлттық өнер университетінің басшылығына алғысын білдіріп, осындай концерттер әлі де жалғасын табатынын жеткізді.
Концертті тамашалауға жиылған жұртшылық  Біләл Ысқақов, Айгүл Үлкенбаева, Рамазан Стамғазиев, Төлепберген Тоқжанов, Еркін Шүкіман,  Мұрат Әбуғазы, Ұлжан Байбосынова, Салтанат Құдайбергенова, Ардақ Исатаева, Тілеулес Құрманғалиев, Динара Нұрбаева, Армат Ислямғалиев,  Амангелді Күзеубай, Эльза Карабалина, Асылбек Кеңегесов, Ержан Жәмеңкеев, Әйгерім Қарсақбаева, Мақсат Медеубек, Әсел Алина, Ғалымжан Нарымбетов сынды дарынды өнерпаздардың орындауындағы көнеден жеткен жауһар жырды, әсем ән мен тәтті күйді тыңдап, құлақ құрышын қандырды.
75 жыл тарих - адамзат жасы үшін асудан асар кемелді шың, ал, өнер үшін, ұлтымызға тән, оның ауызша мәдениетпен қалыптасқан дәстүрлі үдерісінің кәсіби бағыт алып, әлемдік үрдістер аясында тең дәрежеде қалыптасып, замана заңғарына шарықтату  үшін сындарлы мерзім. Құрманғазы атындағы Қазақ ұлттық консерваториясы көшбасшы музыкалық жоғарғы оқу орны ретінде өзінің түлектерімен мақтанады. Бүгінде, Қазақстанның барлық дерлік бастауыш, орта және жоғарғы музыкалық білім беру оқу орындарындарында консерватория қабырғасынан түлеп ұшқан кәсіби мамандар мен білікті ұстаздар қызмет жасап жүргені баршаға мәлім.
  Сонымен бүгін Нұр-Сұлтан қаласына Алматы шаһарынан арнайы барған «Халық музыкасы» факультетінің ұстаздары елордалық көрермендердің ыстық ықыласына тағы бір мәрте бөленді.

Бүгін Құрманғазы атындағы Қазақ ұлттық консерваториясының ректоры Арман Жүдебаев «QAZAQSTAN» ұлттық телеарнасындағы «NIET» бағдарламасында қонақ болып, көз жанарынан ерте айырылған Нұрдәулет Сағатбек есімді жасөспірім өнерпазбен кездесті. Нұрдәулеттің жасы 12-де. Қарағанды қаласынан анасымен бірге келген. Анасының айтуы бойынша баласының домбыраға деген қызығушылығы 7 жасынан пайда болып, бүгінгі күні 20-ға жуық күй орындайды. Әлеуметтік желілерден ректорымыздың күй орындағанын тыңдап, Арман Әділханұлымен кездесіп, бірге күй орындасам деген арманы болған екен.
-    Кезінде Құрманғазы, Тәттімбет, Дәулеткерей  бабаларымыз күйді нотасыз ақ құймақұлақ әдіс арқылы үйренген. Бұл өте үлкен шеберлік. Мен шыны керек өте қатты қуанып отырмын. Нұрдәулет сияқты жас талант иесінің өнеріне жоғары бағамды беремін.  Біз осындай дарынды жастарды қолдауға әрдайым дайынбыз. Ең бастысы рухани мықты болу керексің, деді өз сөзінде консерватория ректоры Арман Жүдебаев.
Кездесу барасында ректор Нұрдәулетке өзінің домбырасын сыйға тартып, келесі жылы болатын концертінде бірге өнер көрсетуге шақырды.  Сондай-ақ консерваториямыздың білікті ұстаздары Біләл Ысқақов, Айгүл Үлкенбаева сынды майталман күйшілерден сабақ алуға шақырды. Арман Әділханұлы осындай кездесу ұйымдастырған «NIET» бағдарламасына алғасын білдіріп, Нұрдәулетпен бірге Нұрғиса Тілендиевтің «Әлқисса» күйін орындады.

Құрметті консерватория ұстаздары мен студенттері!
Сіздерді 20 желтоқсан күні сағат 14.00-де консерваторияның Мәжіліс залында өтетін
«Құрманғазы атындағы Қазақ ұлттық консерваториясының Фольклорлық зертханасы» атты жинақтың тұсаукесеріне шақырамыз!

Алматы қ. Абылайхан даңғылы, 90

Құрманғазы атындағы Қазақ ұлттық консерваториясына  2019 жылдың  28 қарашасынан 28 желтоқсанына дейін Znanium ЭКЖ онлайн-ресурсына тегін тестілік қол жеткізу ұсынылады.
https://new.znanium.com/catalog/books/theme?code=01
Назар аударыңыз: оффлайн (желіден тыс) режимінде оқу  кілттері үшін
ҚҰК кітапханасына хабарласыңыз
e-mail: nibs_lib@mail.ru,
Тел.+7 727 272 55 01, ішкі.114
Znanium.com - бұл тақырыптық және мақсатты сипаттамалары  бойынша топтастырылған кітаптардың, журналдардың, мақалалардың және т. б. электрондық нұсқаларының қалыптасқан коллекциялық электронды-кітапханалық жүйесі (ЭКЖ).  Қазіргі уақытта  Znanium.com  ЭКЖ оқу және ғылыми әдебиеттің үлкен қорына, сондай-ақ оқу орындарында білім беру және ғылыми процестерді қолдайтын басқа да бірқатар сервистерге онлайн-қол жеткізу бойынша ақылы қызмет көрсететін ақпараттық портал болып табылады. Ресурс сонымен қатар дәлелденген білімге және ғылыми қажеттілікке ие кез келген қолданушы үшін пайдалы болуы мүмкін.
Ресурста сондай-ақ Open Access (ашық колжетімділік) режимінде көптеген мәліметтер бар.
ЭКЖ құрылымы бірыңғай ақпараттық білім беру ортасын құрайтын бірнеше модульден тұрады:
•    негізгі модуль — ЭКЖ Znanium.com,
•    аналитикалық модуль-Discovery Znanium,
•    анықтамалық модуль — Znanium энциклопедиясы
Барлық модульдер  бірыңғай авторизацияланған.

Бүгін Нұр-Сұлтан қаласында, Қазақ ұлттық өнер университетінің Орган залында Құрманғазы атындағы Қазақ ұлттық консерваториясының 75 жылдық мерейтойы аясында ҚР халық артисі, Мемлекеттік сыйлықтың лауреаты, «Дирижерлеу және композиция» кафедрасының профессоры Б.Ә. Жаманбаевтың шеберлік-сыныбы өтті.

Шараға Италияның Флоренция қаласындағы атақты Луиджи Керубини атындағы консерваторияның ректоры Паоло Зампини қатысып, шеберлік-сыныбына қатысушыларға және жалпы қазақстандық кәсіби музыка мамандарының деңгейіне жоғары бағасын берді.

Шараның өтуіне қолдау білдірген, Базарғали Әжиұлына құрметін аямай, шапан жауып, сый-сияпатын көрсеткен Қазақ ұлттық өнер университеті басшылығына және ұйымдастыруға ат салысқан барлық әріптестерімізге алғыс білдіреміз.

Ресейдің Қазан қалайсында өткен Р. Гуммерт атындағы III Халықаралық жас орындаушылар байқауы өз мәресіне жетті. Аталмыш байқауға 12-25 жас аралығында 162 үміткер қатысып, консерваториямыздың студенті Малимбаева Құралай «Гобой» аспабы бойынша 3 орынға ие болды. Ұстазы «Ұрмалы және үрмелі» аспаптар кафедерасының профессоры, Қазақстан Республикасының еңбек сіңірген артисі Нұралы Таңатар Қоңырұлы.
Біз консерватория ұжымы атынан студентімізді шын жүректен құттықтап, шығармышылық табыстар тілейміз.