Қазақстанның ірі өнертанушыларын жинаған Консерваторияның мерейтойына арналған дөңгелек үстел
2024 жылы 28 қарашада Құрманғазы атындағы Қазақ ұлттық консерваториясы мен Әбілхан Қастеев атындағы Қазақстан Республикасы Мемлекеттік өнер музейінің бірлескен ғылыми жобасы, консерваторияның 80 жылдығын мерекесі аясындағы «Өнер синтезі мәселелері және ұлттық мәдениет» атты дөңгелек үстелі өтті.
Дөңгелек үстел Әбілхан Қастеев атындағы Қазақстан Республикасы Мемлекеттік өнер музейінің директоры Гулаим Жумабекованың құттықтауы сөздерімен және Құрманғазы атындағы Қазақ ұлттық консерваториясының ректоры Гаухар Тасбергенованың бастау сөздерімен салтанатты түрде ашылды. Тараптар сондай-ақ, музыка және музей қызметі саласында бірлескен жұмысты көздейтін ынтымақтастық туралы Меморандумға қол қойды.
Маңызды іс-шара, музей ішінде көрнекті қазақстандық музыкатанушыларды, өнертанушылар мен мәдениеттанушыларды біріктірді, олар өз сөздерінде музыка, театр және кескіндеме өнерінің әртүрлі түрлерінің синтезі, сондай-ақ олардың ұлттық мәдениет контекстіндегі эволюциясы мәселелерін қозғады. Спикерлер қатарында Екатерина Резникова, Сания Кабдиева, Валерия Недлина, Самал Мамытова, Евфрат Имамбек және Ольга Батурина еліміздің жетекші білім беру және мәдени мекемелерін ұсынды.
Презентацияларында зерттеушілер музыка, кескіндеме және театр өнерінің өзара әрекеттесуінің маңызды тақырыптарын ашты. Өнертану зерттеулеріндегі пәнаралық тәсілдің маңыздылығына ерекше назар аударылды. Іс-шара салтанатты концертпен аяқталды, онда Консерваторияның домбыра және ішекті аспаптар кафедрасының талантты студенттері шетелдік және отандық композиторлардың шығармаларын ұсынды.
Құрманғазы атындағы Қазақ ұлттық консерваториясы Қазақстан Республикасының Әбілхан Қастеев атындағы Мемлекеттік өнер музейіне, ғылыми хатшы Екатерина Резниковаға және де басқа да барлық қатысушылар мен қонақтарға белсенді қатысқаны және Консерваторияның мерейтойына арналған маңызды оқиғаға қосқан үлесі үшін терең ризашылығын білдіреді.
