«Фортепианная музыка сквозь века: дуэты и квартеты» атты концерт өтті

Құрманғазы атындағы Қазақ ұлттық консерваториясының мерейтойлық марафоны аясында 27 қараша күні Ғ. Жұбанова атындағы Камералық залда «Фортепианная музыка сквозь века: дуэты и квартеты» атты концерт өтті.

«Арнайы фортепиано» кафедрасының студенттері тыңдармандарға классикадан бастап заманауи композицияларға дейінгі нағыз музыкалық палитра сыйлады. Бағдарламада А. Аренский, С. Рахманинов, К. Сен-Санс, И. Стравинский, А. Бабаджанян, Р. Аддинселл секілді композиторлардың шығармалары орындалды. Сондай-ақ, кеште қазақ музыка мәдениетінің байлығын паш еткен қазақстандық композиторлар М. Төлебаев, Т. Қажғалиев және Г. Өзенбаеваның туындылары ерекше орын алды.