Ректор

Сұрақ:

Құрметті Арман Әділханұлы! Біздер консерваторияның салауатты өмір салтын ұстанатын студенттері ретінде сізге қояр сауалымыз. Жатақханаға тиесілі спорт алаңы жөндеуді қажет етеді. Резеңке төсеніші әбден тозығы жетті. Мүмкіндік болса осы мәселені  шешіп берсеңіз?

Жауап:

2023 жылдың жоспарында, спорт алаңын жөндеу жұмыстары көзделген. Керекті құжаттар рәсімделген. Қар ерігесін арнайы жұмыс тобы бұл мәселені шешуге бірден кіріседі.

Сұрақ:

Жатақханаға 1-курс ( грант,квота және ақылы) студенттерінің барлығы орналаса алады ма?

Жауап:

Алматы қаласынан тыс,  яғни аймақтардан келген студенттердің барлығын жатақханамен қамтамасыз етеміз. Міндетті түрде вакцина паспорты немесе медициналық қарсы көрсетілімі болуы қажет.

Сұрақ:

Мен консерваторияның арт-менеджмент мамандығының 4 курс студентімін. 
Оқуымды аяқтаған соң магистратурада жалғастырсам деймін, бірақ өкінішке 
орай бірнеше жылдар бойы консерваторияда магистратура ашылмай тұр. Қашан 
ашылады?

Жауап:

Жаңа 2019-2020 оқу жылында консерватория «Арт-менеджмент» білім беру бағдарламасы бойынша ақылы негізде магистрлер дайындауға жоспар жасау үстінде. Осы мәселе бойынша анағұрлым толық әрі нақты мәліметті аталған мамандық бойынша білім беру қызметін жүзеге асыру лицензиясына қосымша алу жұмыстарын аяқтағаннан кейін, 2019 жылғы мамыр айының екінші жартысында ала аласыздар.

Сұрақ:

Дайындалу үшін кабинеттер жетіспеуіне байланысты, сабағымыз нашарлап, оқу үлгерімімізге әсер етіп жатыр. Осы мәселені қолға алуыңызды сұраймын.

Жауап:

Құрметті студенттер! «А» корпусының үшінші этажында жөндеу жұмыстары жүріп жатқандықтан, осындай проблемалар туындап отыр. Болашақта жөндеу жұмыстары бітсе, бұл проблемалар шешімін табады.

Сұрақ:

Ақылы бөлімінен мемлекеттік грантқа ауысу талаптары қандай?

Жауап:

Жоғары білім алу үдерісінде босаған бос білім беру грантын беру төмендегідей тәртіппен жүзеге асырылады:
- ақылы негізде білім алушылар деканатқа университет Басқармасы төрағасының атына білім беру гранты бойынша әрі қарай оқытуға өтініш, барлық оқу кезеңінің транскрипті мен жеке басын куәландыратын құжат көшірмесін береді;
- деканаттар қысқы және жазғы емтихан сессиясының қорытындысы бойынша офис-тіркеушіге студенттердің білім беру грантына ие болу куәлігі, оқудан шығарылған немесе қайтадан оқу курсына қалғанын ұсынады. Сондай-ақ, конкурстық негізде бар бос орындарға үміткер ақылы түрде білім алып жатқан студенттердің құжатын ұсынады: университет Басқармасы төрағасының атына өтініш, жеке басының куәлігі мен әлеуметтік мәртебесін растайтын құжаттар (жетім, мүгедек (ата-аналары мүгедек), көп балалы, толық емес және аз қамтылған отбасы студенттері үшін) көшірмесі, факультет кеңесі шешімінің көшірмесі;
- офис-тіркеуші бос білім беру грантын ауыстыру конкурсына қатысқан студенттердің барлық оқу кезеңіне оқу үлгерімінің орташа балы көрсетілген транскриптін жасайды. Студенттердің транскриптіне офис-тіркеуші, оқу-әдістемелік жұмыс жөніндегі проректоры мен Консерваторияның ректоры қол қояды;
- офис-тіркеуші оқу үдерісінде босаған білім беру грантына ие болуға үміткерлердің толық құжат бумасын соңғы шешім шығару үшін университеттің ғылыми кеңесіне ұсынады;
- офис-тіркеуші ағымдағы жылдың 15 қаңтары мен 5 тамызына дейін оқу үдерісінде босаған бос білім беру грантын алуға қатысатын үміткерлер құжаттарын университеттің Ғылыми кеңесінің шешімімен бірге ҚР БҒМ жібереді.