"Қазанғаптың ізімен" атты еске алу кеші өтті

2023 жылдың 20 желтоқсанында консерваторияның Ғ.Жұбанова атындағы Камералық залында ҚР Еңбек сіңірген қызметкері, Қазанғап мектебінің жалғастырушысы, күйші Бақыт Басығараевтың 95 жылдығына арналған "Қазанғаптың ізімен" атты еске алу кеші болып өтті.

Концерттік кешке ҚР Еңбек сіңірген қайраткерлері Б.Ысқақов, А.Райымбергенов, С.Жанпейісова, Е.Басықара, ҚР Мәдениет саласының үздіктері Е.Басығараев, А.Кенегесов, Т.Сәденов және Бақыт Басығараев атындағы Республикалық конкурстың Бас жүлдегері Б.Бақыт, сондай-ақ, республикалық конкурстардың лауреаттары С.Медеубаева, Ж.Барахатова қатысып, өнер көрсетті.

Кеш бағдарламасы аясында күйші Бақыт Басығараев жеткізген күйлер орындалып, әндер шырқалды.

Концертті өнертану ғылымының кандидаты А.Райымбергенов жүргізді.