«Қазіргі замандағы дәстүрлі ән және жыр өнері: теория және практика» тақырыбында конференция өтеді

2023 жылдың 12 желтоқсанында Құрманғазы атындағы Қазақ ұлттық консерваториясында «Халық музыкасы» факультеті «Халық әні» кафедрасының ұйымдастыруымен Ақан Сері Қорамсаұлының 180 жылдығына арналған «Қазіргі замандағы дәстүрлі ән және жыр өнері: теория және практика» тақырыбында конференция өтеді.

Осы ауқымды іс-шара аясында 11 желтоқсанда Құрманғазы атындағы ҚҰК шеберлік сыныптары мен ашық сабақтар өткізілді. Атап айтар болсақ, консерваторияның мәжіліс залында ҚР Еңбек сіңірген қайраткері, ҚазҰӨУ профессоры Алматов Алмас Нұрмаханұлы (Астана қ.) «Қармақшы өңірінің көмеймен айту дәстүрі» тақырыбында шеберлік сабағын өткізсе, сондай-ақ, ҚР Еңбек сіңірген қайраткері, доцент Жанпейісова Сәуле Стақаншылқызы «ХVIII-XIX ғасырлардағы қазақтың тарихи жырлары» тақырыбында ашық сабақ өткізді.

Аталмыш сабақтар барысында ұлағатты ұстаздар дәстүрлі өнерді таңдаған шәкірттерінің болашақта кәсіби тұрғыда дамуына зор ықпал етерлік тәжірбиелерімен бөлісті.