«Ұлтына ғұмырын арнаған ұлы тұлға» тақырыбында кураторлық сағат өтті

27 сәуір күні Құрманғазы атындағы Қазақ ұлттық консерваториясының А.Жұбанов атындағы кіші концерт залында 1-курс студенттеріне арналған кураторлық сағат өтті. Аталмыш шараны «Әлеуметтік-гуманитарлық пәндер» кафедрасының аға-оқытушысы, тарих ғылымдарының кандидаты Тоқтағұл Айдос Мыңжанұлы жүргізді.

«2022 жыл – Ахмет Байтұрсынұлы жылы» деп жарияланған болатын. Сол себепті бұл шара кемеңгер қоғам қайраткері, ұлт ұстазы Ахмет Байтұрсынұлының 150 жылдығына арналған «Ұлтына ғұмырын арнаған ұлы тұлға» тақырыбында өрбіді. Іс-шарада қазақ ақынының тар жол, тайғақ кешуден өткен өмірі туралы толық ақпарат беріліп, халқына жасаған игі істері жайында сөз етілді.

Шарадан соң, аға-оқытушы Тоқтағұл Мыңжанұлының ұйымдастыруымен кураторлық сағаттың тақырыбын жалғастырған әдеби-музыкалық кеш өтті. Залдағы көрермен әдеби кештен жақсы әсер алып, көтеріңкі көңіл күйде тарқасты.