«Өмірі өнеге Ғазиза» атты еске алу кеші өтеді

2023 жылдың 11 желтоқсанында Құрманғазы атындағы Қазақ ұлттық консерваториясындағы Камералық залға композитор, Қазақстанның және КСРО-ның Халық артисі, ҚазССР Мемлекеттік сыйлығының лауреаты, профессор Ғ.Жұбанованың есімі берілуіне орай композитор құрметіне Ескерткіш тақтаның ашылу салтанаты өтеді.

Сонымен қатар, дәл осы күні Ғ.Жұбанова атындағы Камералық залында «Өмірі өнеге Ғазиза» тақырыбында Ғазиза Ахметқызы Жұбанованы Еске алу кеші өтеді.

Кеш бағдарламасы аясында келушілер назарына көрме сондай-ақ, Ахмет және Ғазиза Жұбановтардың фортепианалық, вокалдық шығармалары ҚР Еңбек сіңірген қайраткері, композитор, «Арнайы фортепиано» кафедрасының профессоры Гүлжан Үзенбаева сыныбының студенттері Ақмарал Мықтыбаева, Нұрсұлтан Амангелді, Айдана Салы, Әмина Хамзина, Хан Хий Джон, Арайлым Кәрібай, Камила Амандық және ҚР Мәдениет саласының үздігі, «Вокал кафедрасының» доценті Гүлнар Нұрғалиеваның орындауында ұсынылады.