«Қобыз және баян» кафедрасының «Сырлы саз» концерті өтті

29 қараша күні Құрманғазы атындағы Қазақ ұлттық консерваториясының мерейтойлық марафоны аясында А. Жұбанов атындағы Кіші залда «Қобыз және баян» кафедрасының «Сырлы саз» концерті өтті.

Кеш Меруерт Кәленбаеваның рухына тағзым етуден басталды. Кафедра оқытушылары оның Қазақстанның музыкалық мәдениетін дамытуға қосқан ерекше үлесін атап өтті.

Көрермендер күйлерді, сондай-ақ қазакстандық және шетелдік композиторлардың туындыларын қамтыған бай әрі әртүрлі бағдарламадан ләззат алды. Орындаушылар қобыз бен баянның тереңдігі мен сұлулығын шебер жеткізіп, кешті ұмытылмас эмоцияларға толтырды.