«Опера и не только» атты концерт өтті

Құрманғазы атындағы Қазақ ұлттық консерваториясының мерейтойлық марафоны аясында «Опера и не только» атты концерт өтті.

Бағдарламада аралас хордың орындауында шетелдік және қазақстандық шығармалар орындалды. Хорға Қазақстанның еңбек сіңірген қайраткері, доцент Ян Рудковский жетекшілік етті. Сонымен қатар, концертке консерваторияның вокалшы-солистері қатысты.

Кештің ерекше атмосферасын студенттік камералық Crescendo Orchestra оркестрі қалыптастырды. Оркестрге В. Минеев жетекшілік етті.

Бұл концерт вокалдық және хормен орындау өнерінің нағыз мерекесіне айналды. Шара әлемдік және қазақстандық музыкалық мұраның байлығын бір сахнада тоғыстырды.