Құрманғазы атындағы Қазақ ұлттық консерваториясы командасының футбол турниріндегі жеңісі!

2024 жылғы 23 қараша күні  А.Жұбанов атындағы дарынды балаларға арналған республикалық қазақ мамандандырылған музыкалық мектеп-интернатының спорт алаңында мәдениет және өнер саласына маман даярлайтын оқу орындарының  профессорлық-оқытушылық құрамының қызметкерлері арасында футболдан турнир өтті. 

Ұйымдастырушылар  – Т.Қ. Жүргенов атындағы Қазақ ұлттық өнер академиясының қызметкерлері.

Турнирге түрлі оқу орындарының командалары қатысты. Қызықты тартыста Құрманғазы атындағы Қазақ ұлттық консерваториясының  командасы екінші орынды иеленді.

Қызметкерлеріміздің жеке жетістіктерін атап өтсек, «Турнирдің ең үздік ойыншысы» атағына Муратбеков Жасұлан лайық деп танылса, «Турнирдің ең үздік қақпашысы» болып концерттік-шығармашылық қызметті ұйымдастыру бөлімі жетекшісінің орынбасары Абзал Құдайбергенов белгіленді.

Әріптестерімізді лайықты жеңістерімен және жеке наградаларымен құттықтаймыз! Бұл жетістік олардың тек кәсібилігін ғана емес, сондай-ақ спорттық рухын және командалық бірлігін көрсететіні анық. Алдағы уақытта спорттық ареналарда және кәсіби қызметте үлкен табыстар тілейміз!