Құрманғазы атындағы Қазақ Ұлттық консерваториясының 1-курс студенттеріне арналған мереке

2024 жылғы 7 қараша күні Құрманғазы атындағы Қазақ Ұлттық консерваториясында 1-курс студенттеріне арналған мереке — «Студенттер қатарына қабылдау» дәстүрлі рәсімі болып өтті. Іс-шара жас музыканттардың студенттік өмірінің жарқын бастамасына айналды.

Кеш белгілі «Wonka» фильмінің стилінде сиқырлы атмосферасымен ерекшеленді. Консерваторияның фойесі бірінші курс студенттеріне арналып фотобудка мен дәмді фуршет дайындалған шоколад фабрикасы түрінде безендірілді.

Арнайы шақыртылған қонақтар: танымал «SteppeSons», «DBS», «Жасмұқасан» топтары, дарынды әнші Нұрмұхамед Жақып, сондай-ақ Абай атындағы Қазақ Ұлттық педагогикалық университетінің Музыкалық білім және хореография кафедрасының би ұжымы кештің ажарын ашты. Олардың әуендері мен билері студенттерді ортақ мерекеде біріктіріп, қуаныш пен шабытқа толы атмосферасын сезіндірді.

Іс-шараны ойдағыдай өткізуге серіктестеріміз қолдау көрсетті. FRUIT&GO компаниясы студенттерге табиғи дәмді сусындар ұсынса, GLORIA JEANS өз кафетериясының өнімдеріне жеңілдіктер беретін сертификаттар сыйлады.

Кеш 1-курс студенттеріне жылы естеліктер мен оқу жылына жетерліктей қуанышты көңіл-күй сыйлаған ерекше оқиға болды.