Құрманғазы атындағы Қазақ ұлттық консерваториясының 80 жылдық мерейтойына арналған ашық сабақ өтті

2024 жылдың 30 қараша күні «Әлеуметтік-гуманитарлық пәндер» кафедрасының профессоры, ҚР ҒЖБМ қауымдастырылған профессоры, филология ғылымдарының кандидаты Сүлеева Гүлжан Созақбайқызының Құрманғазы атындағы Қазақ ұлттық консерваториясының 80 жылдық мерейтойына арналған «Біздің консерватория. Менің оқу орнымның ерекшелігі» атты ашық сабағы өтті. 

Сабақта өзге ұлт өкілдерінен құралған орыс топтарына арналған Kahoot тестілеу, ребустар шешу сияқты әр түрлі әдістемелік тәсілдер шебер қолданылды. Ресейден білім алуға келген студенттер «Менің оқу орнымның ерекшелігі» тақырыбында Консерватория тарихы мен қазіргі дамуы туралы әсерлі мәтіндер құрастырып, командалық сайыс өткізді. Әр команданың сұхбаттары жазылған бейнематериалын ортаға салып тамашалау арқылы сабақ өз мәресіне жетті. Консерваторияның 80 жылдық мерейтойына арналған бұл сабақ жоғары деңгейде студенттердің танымдық, тілдік білімін шыңдауға зор ықпал етті.