Құрманғазы атындағы Қазақ ұлттық консерваториясының доценті, өнертану ғылымының кандидаты Алуаш Құбышевна Мұхитованың туғанына 70 жыл толар еді

2024 жылдың 1 қарашасында арнайы фортепиано кафедрасының үздік оқытушысы, Құрманғазы атындағы Қазақ ұлттық консерваториясының доценті, өнертану ғылымының кандидаты Алуаш Құбышевна Мұхитованың туғанына 70 жыл толар еді.

Алуаш Құбышевна ұстаздық жолын 1980 жылы бастап, ұзақ жылғы еңбегі үшін Ахмет Байтұрсынов медалін алып, соңғы күндеріне дейін еңбек етті. А.К.Мұхитова қазақ музыкасын белсенді түрде насихаттап, «ХХ ғасырдың екінші жартысындағы Қазақстанның фортепиано өнері» тақырыбында диссертация жазып, музыкалық мектептерге арналған оқулықтардың авторы болды. Осы жылдар ішінде ол жүзден астам түлектерді дайындады, олардың көпшілігі өз мансабын Қазақстанда және шетелде табысты жалғастырып жүр.

Мұхитова Алуаш Құбышевна Қазақстан музыкасының дамуына зор үлес қосқан ұлағатты ұстаз және дарынды музыкант ретінде ел есінде мәңгі сақталады.