«Үш бәйтерек» атты әдеби-музыкалық кеш өтті

2024 жылдың 21 ақпанында Құрманғазы атындағы Қазақ ұлттық консерваториясының Қазақ және шетел тілдері секциясы мен Студенттер және түлектермен жұмыс жасау бөлімінің ұйымдастыруымен қазақ әдебиетінің алыптары С.Сейфуллин, І.Жансүгіров, Б.Майлиннің туғанына 130 жыл толуына орай «Үш бәйтерек» атты әдеби-музыкалық кеш өтті.

Кеш барысында ақын-жазушылардың өмірі мен шығармашылығы туралы айтылып, консерваторияның 1-2 курс студенттері С.Сейфуллиннің, І.Жансүгіровтің, Б.Майлиннің шығармаларынан сахналық көріністер қойып, өлеңдері мен поэмаларын мәнерлеп жатқа оқып, әндерін орындады.

Аталмыш іс-шараның қазақтың «Үш бәйтерегінің» өмір жолын кейінгі жастарға үлгі ретінде көрсетіп, ұлағатты адамдардың өмірі мен шығармашылық жолын, азаматтық тұлғасын танытып, оларды рухтандыруға, елінің тарихын біліп, халқына адал қызмет етулеріне тигізер үлесі мол болды.