«Тәңіршілдік» монографиясының авторымен кездесу өтті

2024 жылдың 22 сәуірінде Консерваторияның оқу залында өткен Лена Федоровамен (Саха Республикасы, Якутия) шығармашылық кездесу барлық қатысушылар үшін маңызды оқиға болды..

Педагогика ғылымдарының кандидаты, арт-менеджмент кафедрасының профессоры Евфрат Мамбеков модератор болған кездесу барысында Лена Фёдорова өзінің «Тәңіршілдік» атты жаңа монографиясы туралы айтып, тәңіршілдікпен байланысты мәдени тәжірибе мәселелерін қозғады. Монографияда қазіргі заманның өзекті тақырыптарының бірі – ежелгі түркі дәстүрлері, мәдени айырмашылықтар, Тәңірге деген сенімге негізделген әлемдік тәртіп зерттеледі.

Іс-шара соңында қолтаңба-сессия өтті, онда қонақтар Лена Фёдоровамен жеке сөйлесуге және оның қолтаңбаларын алуға мүмкіндік алды. Іс-шараны халықаралық бөлім, арт-менеджмент кафедрасы және ғылыми-ақпараттық кітапхана қызметі ұйымдастырды.