«Қыл қобыз» аталымы бойынша сайыс нәтижесі белгілі болды

16 сәуір күні Құрманғазы атындағы Қазақ ұлттық консерваториясының базасында өтіп жатқан «Қазақстан Республикасы Білім және ғылым министрлігінің ЖОО студенттері арасында XIV Республикалық студенттік пәндік үлкен олимпиадасы» аясында 6В02107– «Дәстүрлі музыка өнері» білім беру бағдарламасы бойынша «Қыл қобыз» аталымынан сайыс мәресіне жетті.

Ректордың 2022 жылғы 28 наурыздағы № 23- бұйрығымен құрамы 5 адамнан тұратын байқау комиссиясы бекітілген болатын. Республикалық студенттік пәндік олимпиадасына «Қылқобыз» аталымы бойынша 3 ЖОО-нан 13 студент қатысты. Оның ішінде:

1) 10 студент – Алматы қаласынан, Құрманғазы атындағы ҚҰК;

2) 1 студент – Т. Жүргенов атындағы Қазақ Ұлттық өнер академиясы;

3) 2 студент – Астана қаласы, Қазақ Ұлттық Өнер Университетінен келді.

Олимпиаданың қорытындысы бойынша «Қыл қобыз» аталымы бойынша жұртшылықты өнерімен тәнті етіп, жоғары көрсеткішке қол жеткізген бірқатар студенттер Қазақстан Республикасы Білім және Ғылым Министрлігінің дипломымен марапаттауға ұсынылды:

1-орын: Әсел Уәлиқызы Қыдырмұрат, Құрманғазы атындағы Қазақ ұлттық консерваториясы, қылқобыз 3-курс

2-орын: Ерасыл Төреханов, Құрманғазы атындағы Қазақ ұлттық консерваториясы, қылқобыз, 1-курс

2-орын: Айдана Якуалиқызы Тайыпова, Құрманғазы атындағы Қазақ ұлттық консерваториясы, қылқобыз, 2-курс

3-орын: Самал Қуатқызы Майданова, Құрманғазы атындағы Қазақ ұлттық консерваториясы, қылқобыз, 1-курс

3-орын: Дана Рахымжанқызы Атабер, Құрманғазы атындағы Қазақ ұлттық консерваториясы, қылқобыз 1-курс

3-орын: Мәдина Ерболқызы Қуанышқанова, Қазақ ұлттық өнер университеті, қылқобыз мамандығы, 2-курс

Өнерпаз жастардың еңбегі мен өнерін бағалаған қазылар алқасына Құрманғазы атындағы Қазақ ұлттық консерваториясы, «Қобыз және баян» кафедрасының меңгерушісі, ҚР еңбек сіңірген қайраткері, профессор Б.Ә. Қосбасаров төрағалық етсе, ол кісіге таңдау жасауда ҚазҰӨУ, «Қобыз және ОХА» кафедрасының меңгерушісі, мәдениет саласының үздігі Г.С. Мұстахим, Құрманғазы атындағы ҚҰК, «Халық музыкасы» факультеті, «Қобыз және баян» кафедрасының аға-оқытушысы А.Ә. Қарсақбаева, Н. Тлендиев атындағы АФЭО «Отырар сазы» оркестрінің артисі, ҚР Мәдениет саласының үздігі Қ.Д. Жүгінісов жәрдемші болды. Ал осының барлығын Құрманғазы атындағы ҚҰК, «Қобыз және баян» кафедрасының оқытушысы, халықаралық сайыстардың лаураты, өнертану ғылымдарының магистрі А. Масымханова хатқа түсіріп отырды.