«Қыран елім – Қазақстаным!» атты мәтінді мәнерлеп оқушылар байқауы өтпек

Құрметті Алматы қаласында оқып жатқан студент жастар! Сіздерді Алматы қаласының Қоғамдық даму басқармасының тапсырысымен ұйымдастырылып жатқан «Қыран елім – Қазақстаным!» атты мәтінді мәнерлеп оқушылар байқауына қатысуға шақырамыз.

Бұл байқауды ұйымдастырудағы мақсат - қаланың ЖОО мен АКБМ-нің студенттері есебінен барынша көп мөлшердегі жастарды отандық әдебиетті оқуға ынталандыру. Барынша дарынды жастарды тауып, іріктеу. Әлеуметтік желілерде отандық әдебиетті насихаттау. Жастар арасында патриоттық құндылықтарды тарату. Шығармашыл жастарды бір жерге шоғырландыратын алаң құру.

Байқау қатысушыларға өз-өздерін көрсетуге, өз талантын ашып, ұйымдастырушылар белгілеген бағалы сыйлықтардың иегері болуға мүмкіндік береді.

Байқауға қатысу мерзімі мен шарттары

1. Байқауға Алматы қаласы ЖОО мен АКБМ студенттері қатыса алады.
2. Байқау қатысушыларының жұмыстары өздері орындаған және Байқау талаптарына сай болуға тиіс. Келіп түскен материалдар осы Байқауға қатысу үшін арнайы әзірленген болуға тиіс.
3. Жұмыстар орыс және қазақ тілдерінде қабылданады.

Байқауға қатысу үшін әрбір қатысушы өздерінің Instagram немесе TikTok ресми әлеуметтік желілерінде #АлматыРеспубликаКүні #JasRespublikaKuny #JasRespublika_Esse #JasRespublika_olen. атты байқаудың ресми хэштегтерімен белгіленген, мәнерлеп өлең оқыған бейнежазбаларын 24.10.2022 дейін жүктеуі тиіс.

Жұмыстар келесі талаптарға сай болуға тиіс:

- бейнежазба байқау қатысушысының патриоттық тақырыптағы отандық автордың жазған өлеңін мәнерлеп оқуы мазмұнында болуы керек;
- өлең патриоттық тақырыпта және отандық автордың жазған шығармасы болуға тиіс;
- бейнежазба қатысушының Instagram немесе TikTok ресми әлеуметтік желілерінде #АлматыРеспубликаКүні #JasRespublikaKuny #JasRespublika_Esse #JasRespublika_olen. атты байқаудың ресми хэштегтерімен белгіленіп жүктелуі тиіс;
- бейнежазбаның ұзақтығы 2 минуттан аспауы тиіс;
- Байқау қатысушыларының жұмыстары өздері орындаған және Байқау талаптарына сай болуға тиіс;
- Байқауға қатысу кезінде қатысушының парақшасы ашық болуға тиіс;
- Байқауға қатысу мезетінде қатысушының профилінде жеке куәлігіне сәйкес аты-жөні толық көрсетілуі керек;
- бейнежазба сипаттамасында қысқа сипаттама және «қатысушы неге дәл осы өлеңді таңдады? деген сауалға жауап берілуі тиіс;
- бейнежазба дәл осы байқауға қатысу үшін арнайы жазылған болуға тиіс.
- бейнежазба дәл осы Байқауға қатысуға арнайы әзірленген болуға тиіс. Өзге байқауларға қатысу үшін әзірленген материалдар Байқауға қатыстырылмайды.
- жұмыс қазақ немесе орыс тілінде орындалуы керек;
- бейнежазбаны жариялау кезінде Алматы қаласы жастар саясаты басқармасының @jas.almaty ресми аккаунтын белгілеу керек;
- бейнежазбаны 24.10.2022 жылдың сағ. 24.00 дейін жариялау қажет.

Жүлде қоры
Байқау әділқазылары байқау жеңімпаздарына арнап бағалы жүлделер белгілейді. Аталымдар бойынша жеңімпаздар төмендегі жүлделермен марапатталады:
- жүлделі бірінші орын – ноутбук.;
- жүлделі екінші орын – смартфон;
- жүлделі үшінші орын – планшет.

Жүлделерді тағайындаудың ашықтығы Байқаудың барлық кезеңдері тіркелген материалдардың жинақталуы және қолжетімділігі арқылы қамтамасыз етіледі.

Жүлделерді тағайындаудың объективтілігі мен бейтараптығы Байқау қатысушыларын бағалау және бақылау міндеттерінің өзара бөлінуі арқылы қамтамасыз етіледі.

Құрметті студент жастар байқау шарттарымен танысып шықсаңыздар, байқауға қатысып бағыңызды сынап көріңіз! Өнеріңіз бен бағыңыз қатар шауып, жүлделі сыйлық иегері атаныңыз! Баршаңызға сәттілік!!!