1-2 курс студенттеріне арналған кураторлық сағат өтті

Бүгін өнер-білім ордасының Ахмет Жұбанов атындағы кіші концерт залында 2021-2022 оқу жылындағы 1-2 курс студенттеріне арналған кураторлық сағат ұйымдастырылды. 

Кураторлық сағатты консерваториямыздың ректоры Арман Әділханұлы мен Тәрбие және әлеуметтік жұмыс жөніндегі проректоры м.а. Мұхамбет Ешмұханов жүргізді.

Аталмыш шара «Тәрбиесіз берілген білім – адамзаттың қас жауы» атты тақырып төңірегінде болды. Кураторлық сағат барысында ректор А.Жүдебаев студенттерге жолдауын айтып, қазіргі таңда оқу орнында жөндеу және жаңарту жұмыстары жүріп жатқанына байланысты қолайсыздықтардың жақын арада шешілетінін де тілге тиек етті.

Ал Студенттермен жұмыс жасау бөлімінің жетекшісі Жалғас Ысқақов оқу ордасының білім алушыларын жатақхана және оқу орнындағы ережелермен таныстырып өтті.