1-курс студенттеріне арналған кураторлық сағаты өтті

Жүргізген: Тәрбие және әлеуметтік жұмыс жөніндегі проректор Ешмұханов Мұхамбет Ашхатұлы

Кураторлық сағаттың тақырыбы: «Құмар ойындар мен қаржы пирамидасының алдын алу»

16 наурыз, сағат – 12.30, А. Жұбанов атындағы кіші концерт залы.

Құрманғазы атындағы ҚҰК 1-курс студенттері

2022 жылдың 16 наурызында құмар ойындар мен қаржы пирамидасына қарсы кураторлық сағат өтті. 

Бұл кураторлық сағатта проректор М.А. Ешмұханов құмар ойындардан бас тарту туралы сөз қозғап, екінші дәрежелі банктерден несие алмау керек екенін түсіндірді. Ол: «Қазіргі кезде еліміздегі жастардың арасында жеңіл жолмен ақша табу трендке айналып кеткен, осы жағдайға байланысты студенттер (1xbet, олимп, лото, онлайн-казино, т.б.) құмар ойындарға қызығушылықтары басым болып жатқан жәйі бар және де пирамидаға (желілік маркетинг), QNET деген компанияға үлкен сомада ақша салу арқылы тез байып кетудің жолын іздеушілер көп, бір-бірінің миын улау арқылы шешендік қасиеттері бар жастар өзіне жақын деген дос, туыс, құрбыларын осындай қиындыққа итермелеуде, сол себепті сіздерге айтарым – құмар ойын, қаржы пирамидасы, несие секілді дүниеден алыс жүрулеріңізді сұраймын», – деп аяқтады өз сөзін. Сонымен бірге, егер бұл жағдайды қабылдамай, жалғастыратын болса, оқу орнынан шеттетілетіндіктерін ескертті.