2024 жылдың 6 тамызында Құрманғазы атындағы Қазақ ұлттық консерваториясында «Музыкатану», «Дәстүрлі музыка өнері», «Аспаптық орындаушылық», «Вокал өнері» және «Арт-менеджмент» бағдарламалары бойынша докторантураға түсетін үміткерлер емтихан тапсырды

Биылғы жылы білім грантына алты болашақ зерттеуші қатысуға өтініш берген.  

Емтихан консерваторияның мәжіліс залында өтті. Үміткерлердің қабілетін белгілі ғалымдар мен музыканттардан тұратын профессорлық-оқытушылық комиссия бағалады. Олардың арасында өнертану ғылымдарының докторы С.Өтеғалиева, ҚР Халық әртісі Г.Молдакаримова мен ҚР Енбек сіңірген қайраткері Г.Үзенбаева болды.                                                                                                                                              

Емтихан нәтижелерін Құрманғазы атындағы Қазақ ұлттық консерваториясының сайтынан көруге болады.