Ақан сері Қорамсаұлының 180 жылдық мерейтойы аясында шеберлік сыныптар өтті

Құрманғазы атындағы Қазақ ұлттық консерваториясында «Халық музыкасы» факультеті «Халық әні» кафедрасының ұйымдастыруымен Ақан сері Қорамсаұлының 180 жылдығына арналған «Қазіргі замандағы дәстүрлі ән және жыр өнері: теория және практика» Халықаралық ғылыми-практикалық конференциясы аясында оқытушылар мен алыс-жақын шетелден келген ғалымдардардың дәрістері мен орындаушылардың шеберлік сабақтары өткен еді.

Осыған орай, 13 желтоқсанда консерваторияның мәжіліс залында - И. Арабаев атындағы Қырғыз мемлекеттік университетінің педагогика кафедрасынын аспиранты Батиров Азизбек (Қырғызстан, Бішкек) «Фольклорлық (ұлттық-дәстүрлі) шығармалар арқылы жастарды патриотизмге тәрбиелеу» тақырыбында шеберлік сабағын өткізсе, Хакасия Республикасының еңбек сіңірген өнер қайраткері Чебодаев Олег Валерьевич «Хакас халық аспаптары, тамақпен ән және тақпақ айту әдістері» тақырыбында шеберлік сыныбын өткізді.

Аталмыш білім сағатына Құрманғазы атындағы ҚҰК ПОҚ құрамы мен қатар білім алушылары және магистранттар қатысты.