Almaty creative'пен кездесу

2024 жылдың 13 ақпанында «Арт-менеджмент» кафедрасының меңгерушісі Сағатбек Қалиев және халықаралық бөлім басшысы Дамир Уразымбетов "Almaty Creative" Креативті индустрияларды дамыту орталығының өкілдерімен кездесті. Almaty Creative тарапынан, кездесуге білім беру, акселерациялық бағдарламалар департаментінің директоры Даулет Киргизбаев және департамент маманы Зарина Алиходжа қатысты.

Консерватория мен Almaty Creative ынтымақтастық туралы Меморандумға қол қойып, ұйымдар арасындағы бірлескен жобаларды талқылады. Алдағы білім беру және шығармашылық іс-шараларға, оның ішінде стартаптарды дайындау мен ілгерілетуге біздің ЖОО студенттері мен оқытушыларының қатысуы жоспарлануда.

Ұсыныстарыңыз немесе идеяларыңыз бар болса, халықаралық бөлім қызметкерлеріне жүгінуіңізге болады.