Алматыда Ермек Серкебаевқа ескерткіш ашылды

Бүгін, 16 қаңтар күні, Алматыда белгілі опера әншісі, ұлы актер және ұстаз  Ермек Серкебаевқа арналған ескерткіштің салтанатты ашылу рәсімі өтті.

Іс-шараға Қазақстан Республикасының Мәдениет және ақпарат министрі Аида Балаева, Алматы қаласының әкімі Ерболат Досаев, әншінің ұлы Байғали Серкебаев, бауыры Мұрат Серкебаев, сондай-ақ шығармашылық зиялы қауым өкілдері, қала тұрғындары мен қонақтары қатысты.
Мәдениет министрі Ермек Серкебаевтың талантының ерекше екенін атап өтті: "Ермек Серкебаев миллиондаған өнерсүйер қауымның сүйіктісіне айналған сирек кездесетін талант иесі мен жоғары кәсібиліктің үлгісі болды. Бүгінгі  қазақ операсын Ермек Серкебаевсыз елестету қиын".
Байғали Серкебаев ескерткіштің Абылайхан даңғылында, Құрманғазы атындағы Қазақ ұлттық консерваториясына жақын жерде орнатылғаны маңызды екенін атап өтті, өйткені Ермек Серкебаев осы жерде көп жылдар бойы жаңа буын музыканттарына шабыт сыйлап, білім берген болатын.

Бұл ескерткіш — ұлы әртіске деген құрметтің белгісі, оның шығармашылығы қазақстандықтардың жүрегінде және қазақ өнерінің тарихында мәңгі қалатыны сөзсіз.