Қазақ халық аспаптар оркестрінің салтанатты концерті

Бүгін Е. Рахмадиев атындағы Үлкен концерт залында Құрманғазы атындағы Қазақ ұлттық консерваториясының мерейтойлық марафоны аясында Нарын Қажғалидың жетекшілігімен қазақ халық аспаптар оркестрінің салтанатты концерті өтті.

Бұл кеш ерекше болды, себебі оған Айгүл Үлкенбаева, Біләл Ысқақов және Ерсайын Басықара сынды көрнекті профессорлар қатысты. Олардың орындаушылық шеберлігі мен кәсібилігі концертке айрықша өң беріп, әсерлі реңк қосты.

Көрермендер оркестрдің қайталанбас әуенімен, жүрекке жететін әуездерімен және қазақ музыка мәдениетінің ерекше энергетикасымен сусындады.

Мерейтойлық марафон жаңалықтарын жіберіп алмаңыздар — алда әлі де көптеген тамаша шаралар күтіп тұр!