Қазақ ұлттық консерваториясы студенттерінің арасында «Менің жетістігім – менің нәтижем» тақырыбында пікірталас өтті

2024 жылғы 17 қыркүйек күні Құрманғазы атындағы  Қазақ ұлттық консерваториясында Еңбек күніне орай «Менің табысым – менің нәтижем» тақырыбында пікірталас ойыны ұйымдастырылды.
Іс-шараға «Арт-менеджмент» білім беру бағдарламасының 2-курс студенттері мен студенттік өзін-өзі басқару ұйымының белсенділері қатысты.

Кездесуге тәрбие және әлеуметтік жұмыстар жөніндегі проректор Наурыз Құлданов, «Арт-менеджмент» кафедрасының меңгерушісі Динара Кешубаева, студенттер және түлектермен жұмыс жасау бөлімнің жетекшісі Жалғас Ысқақов және 2-курс кураторы Ерсултан Ешмұхамедов қатысты. 

Жиын барысында арт-менеджердің мәдени іс-шараларды ұйымдастырудағы рөлі, шығармашылық жобаларды жүзеге асыру және кәсіби портфолио жасау мәселелері талқыланды. Студенттер Қазақстанның мәдени мұрасын халықаралық деңгейде насихаттап, танымал ету бойынша өз идеялары мен ұсыныстарымен бөлісті.