Қазақ ұлттық консерваториясында аты аңызға айналған кюйші Шәміл Әбілтаевпен кездесу өтті

6 қыркүйек күні Қазақ үлттық консерваториясының ректоры Гаухар Тасбергенова ерекше қонақ – танымал домбырашы, композитор және дарынды күйші Шәміл Әбілтаевпен кездесті.
Өнер саласының саңлағы Г. Тасбергенованы  ректорлық қызметке тағайындалуымен құттықтады. Киелі оқу ордасын белгілі күйші Қошқарбек Тасбергеновтың қызы басқаратынына қуанышын білдіріп, оған жаңа қызметте сәттілік тілеп, бата берді.
Кездесу барысында Шәміл Әбілтаев өзінің авторлық күйі «Ай жарық» шығармасын орындап, өзінің жұбайы Өрікгүл Өтеміс-Жаныстың «Күйші жігіт құмарым» атты кітабын сыйға тартты. Жылы әңгіме барысында Қошқарбек Тасбергенов пен Нұрғиса Тілендиев жайлы әдемі естеліктерімен бөлісе келе, Н. Тілендиевтің Қошқарбек Тасбергеновтың шығармашылық қызметінің 25 жылдығына арналған «Ел намысы – ер намысы» хатын ерекше атап өтті.
Кездесу барысында жақын арада консерваторияда жүзеге асырылатын ортақ жоспарлар талқыланды.