Қазақстан Республикасы халықтарының тілдері мерекесіне арналған «Тіл мен өнер - егіз ұғым» атты факультетаралық командалық полиглоттар сайысы

2024 жылдың 25 қыркүйегінде Құрманғазы атындағы Қазақ ұлттық консерваториясында Қазақстан халқының тілдері күніне орай ұйымдастырылған «Тіл мен өнер – егіз ұғым» атты факультетаралық полиглоттар сайысы өтті. 

Шараны Әлеуметтік-гуманитарлық пәндер кафедрасы, студенттер және түлектермен жұмыс жасау бөлімімен бірлесіп ұйымдастырды.

Бұл конкурс консерваторияның түрлі факультеттерінен жиналған студенттердің тілдік білімі мен шығармашылық қабілеттерін көрсетуге арналған. Ашылу салтанатында жүргізушілер Қазақстандағы көптілділікті сақтау мен дамытудың маңыздылығын атап өтіп, қатысушыларға сәттілік тіледі.

Конкурс төрт кезеңнен тұрды, оның ішінде, қазақ, орыс және ағылшын тілдеріне аударма жасау, сондай-ақ командалардың шығармашылық өнер көрсетуі болды. Әрбір команда жоғары деңгейде дайындықтарын көрсетіп, тіл мен өнердің өзара байланысын айқын бейнеледі.

·         Сайыс нәтижелері бойынша жүлделі орындар келесідей бөлінді:

·         1 орын: «Funk» тобы (Вокал және дирижерлеу).

·         2 орын: «Ninja turtles» тобы (Музыкатану, Арт-менеджмент және ӘГП факультеттері).

·         3 орын: «Spirit» тобы (Халық музыкасы факультеті).

Ал Гран-при жүлдесін Аспаптық орындаушылық факультетінің 1 курс студенттерінен құралған «Poly Instruments» тобы иеленді. Команда мүшелері ерекше шығармашылық шешімдері мен көптілділік бойынша жоғары деңгейдегі білімдерін көрсетіп, қазылар алқасының көңілінен шықты.

«Тіл мен өнер – егіз ұғым» атты факультетаралық полиглоттар сайысы Қазақстан халқының тілдері күніне арналған маңызды мәдени шаралардың бірі ретінде есте қалды.