Ғазиза Ахметқызы Жұбановаға арналған концерт өтті

25 қараша күні Ғ. Жұбанова атындағы Камералық залда көрнекті композитор әрі 1975–1987 жылдар аралығында консерватория ректоры болған Ғазиза Ахметқызы Жұбановаға арналған концерт өтті.

Ғазиза Жұбанова қазақ музыка мәдениетінде өшпес із қалдырған тұлға. Оның қаламынан опера, симфониядан бастап камералық-вокалдық және аспаптық шығармаларға дейін түрлі жанрларда туындылары шыққан. 

Концерт бағдарламасында Ғ.Жұбанованың вокалдық және камералық-аспаптық шығармалары, сондай-ақ оның шәкірттері — консерватория оқытушылары Гүлжан Өзенбаева мен Гүлнәр Әбдрашеваның туындылары орындалды. Олар ұстаздарының өшпес дәстүрлерін жалғастыра отырып, осы күнге дейін жаңа буын музыканттарына шабыт беруде.