«Баян-аккордеон» аталымының жеңімпаздары анықталды
16 сәуірде «6В02107–дәстүрлі өнер» мамандығында білім алып жатқан студенттер арасында «Баян-аккордеон» аталымы бойынша ХІV Республикалық студенттік пәндік олимпиада өз мәресіне жетті.
Еліміздегі жоғары оқу орындарының басын біріктірген дүбірлі додаға Құрманғазы атындағы ҚҰК «Қобыз және баян» кафедрасының профессоры, ҚР еңбек сіңірген артисі Гайсин Анатолий Мубарякзянович төрелік етті. Одан бөлек комиссия мүшелерінің құрамында Х.Досмұхамедов атындағы Атырау университетінің аға-оқытушысы, ҚР еңбек сіңірген қайраткері Ғабдиев Мұхаддас Рыспайұлы, Құрманғазы атындағы ҚҰК «Қобыз және баян» кафедрасының аға-оқытушысы Қожахметов Сұлтан Тайғараұлы және Құрманғазы атындағы ҚҰК «Қобыз және баян» кафедрасының профессоры, ҚР еңбек сіңірген өнер қайраткері Смақова Зәуре Нығметқызы болды.
«Баян-аккордеон» аталымы бойынша олимпиадаға 2 жоғары оқу орнынан 12 адам қатысты. Додада Қазақ ұлттық өнер университетінен 3 студент, ал Құрманғазы атындағы Қазақ ұлттық консерваториясынан 9 студент бақ сынады.
ХІV Республикалық студенттік пәндік олимпиада қорытындысы бойынша жоғары көрсеткішке ие болған, сондай-ақ ҚР Білім және ғылым министрлігінің Дипломдарымен марапаттауға ұсынылған студенттердің тізімі:
1. І дәрежелі диплом: Құрманғазы атындағы ҚҰК 1-курс студенті Темірлан Ахымбек (ұстазы – Нарымбетов Ғалымжан Маратұлы).
2. ІІ дәрежелі диплом: Нұр-Сұлтан қаласындағы Қазақ ұлттық өнер университетінің 2-курс студенті Елжан Жетпіс (ұстазы – Самғар Толқынхан).
3. ІІ дәрежелі диплом: Нұр-Сұлтан қаласындағы Қазақ ұлттық өнер университетінің 2-курс студенті Мадияр Бауыржанұлы (ұстазы – профессор Сұлтанов Дамир Рафхатұлы).
4. ІІІ дәрежелі диплом: Құрманғазы атындағы ҚҰК 4-курс студенті Ержігіт Фархатұлы Әділбек (ұстазы – Қожахметов Сұлтан Тайғараұлы).
5. ІІІ дәрежелі диплом: Құрманғазы атындағы ҚҰК 1-курс студенті Давид Алиев (ұстазы – профессор Гайсин Анатолий Мубарякзянович).
6. ІІІ дәрежелі диплом: Құрманғазы атындағы ҚҰК 1-курс студенті Ибрагим Талапұлы Валиев (ұстазы – профессор Смақова Зәуре Нығметқызы).
Республикалық додада топ жарып, үздік атанған жас өнерпаздарды шын жүректен құттықтап, алдағы уақытта шығармашылық жетістіктер мен табыстар тілейміз!
