Бірінші курс студенттеріне арналған кураторлық сағат: кредиттік оқу жүйесімен танысу

2024 жылдың 11 қыркүйек күні өткен Құрманғазы атындағы Қазақ ұлттық консерваториясының бірінші курс студенттеріне арналған кураторлық сағат кредиттік оқу технологиясы тақырыбына арналды. 
Жиынға оқу ісі және оқу-әдістемелік жұмыстар жөніндегі проректор Гүлнәр Әбдірахман, оқу-әдістемелік бөлімнің басшысы Айнұр Мәшімбаева, сондай-ақ тәрбие және әлеуметтік жұмыстар жөніндегі проректор Наурыз Құлданов қатысты. 
Оқу ісі жөніндегі проректор Гүлнәр Бақытқызы студенттерге өнер-білім ордасындағы  кредиттік оқу технологиясының негізгі тұжырымдары мен оқу үдерісіндегі өзін-өзі ұйымдастырудың маңыздылығы жөнінде әңгіме жүргізді. Ал Айнұр Жақыпәліқызы оқу жүйесіне байланысты студенттерді толғандырған барлық сұрақтарға жауап беріп, ішкі нормативтік құжаттармен таныстырды, сондай-ақ «Platonus» жүйесін қалай пайдалану керектігін үйретті. 
Іс-шара барысында білім алушылар консерваториядағы оқу үдерісімен, сондай-ақ оқу барысында өздері қолданатын құралдармен толық танысып шықты.