«Бірінші курстың кубогы» атты алғашқы сайыс
30 қыркүйек 2022
2022 жылдың 30 қыркүйегінде Құрманғазы атындағы Қазақ ұлттық консерваториясы жатақханасының спорт алаңында «Спорт – денсаулық кепілі» деген ұранмен, түрлі мамандықтың 1 курс студенттері арасында «Бірінші курстың кубогы» негізінде, футболдан және арқан тартудан жарыс өтті.
Сайыстың жиынын консерваторияның Тәрбие және әлеуметтік жұмыстар жөніндегі проректоры Мұхамбет Ешмұханов ашып берді. Бұдан кейін көп созбаққа салынбай, жеребе тасталып, командалар анықталған рет бойынша ойындарын бастап кетті.
Жарыс қорытындысы бойынша жеңімпаз топтар анықталып, ұтқан орындарына сәйкес еңбектері ескеріліп, тиісті дипломдармен марапатталды.
Осындай спорттық сайыстардың өткізілуі Консерватория өмірінде салтқа айналған. Мақсат – кәсіби музыка мамандықтарын игеріп жатқан жастарды салауатты өмір салтына бейімдеп, дағдыға айналдыруларына ықпал ету.
Қабылдау 2024