Братиславадағы серіктес Академиясының әріптестерімен кездесу

Құрманғазы атындағы Қазақ ұлттық консерваториясының Халықаралық бөлімінің қызметкерлері 2024 жылғы 25 қыркүйекте серіктес ЖОО Братиславадағы орындаушылық өнер академиясының Музыка және би факультетінен (Братислава, Словакия) әріптестермен онлайн-кездесу өткізді.

Кездесу барысында консерватория студенттері мен оқытушыларының академиялық ұтқырлығына, магистранттардың ғылыми тағылымдамаларына, сондай-ақ оқу орындары арасындағы ынтымақтастықты кеңейту перспективаларына қатысты мәселелер талқыланды. Кездесуге Консерватория тарапынан халықаралық бөлім басшысы Дамир Уразымбетов пен Халықаралық байланыстар жөніндегі менеджер Жания Уоррен қатысты. Братиславадағы орындаушылық өнер академиясы тарапынан деканның ғылыми жұмыс және халықаралық байланыстар жөніндегі орынбасары Питер Мартинчек және оның әріптесі композитор Мариан Заварски қатысты.

Білім беру және ғылыми жобаларды ұйымдастыру және әзірлеу екі мекемеге де шетелде ынтымақтастық пен кәсіби дамудың жаңа тәжірибесін алуға мүмкіндік береді. 2025 жылдың көктемінде Братиславадан келген әріптестер қазақ консерваториясына баруды жоспарлап отыр.