Дәстүрлі әнші, сазгер, музыка зерттеушісі Бағлан Бәбіжан философия докторы (PhD) дәрежесіне ие болды

2022 жылы 21 қараша күні Құрманғазы атындағы Қазақ ұлттық консерваториясында «6D040400 – Дәстүрлі музыкалық өнер» мамандығы бойынша философия докторы (PhD) дәрежесіне ұсынылған Бәбiжан Бағлан Жолдасқызының «Жетісудың оңтүстік-батысындағы ән фольклорының қазіргі жағдайы» тақырыбында диссертация қорғауы өтті. Диссертация Құрманғазы атындағы ҚҰК «Халық әні» кафедрасында орындалған.

Бәбіжан Бағлан Жолдасқызы – әнші, халық музыкасын зерттеуші, Құрманғазы атындағы Қазақ ұлттық консерваториясының ғылыми-зерттеу фольклорлық зертханасының жетекшісі, «Халық әні» кафедрасының аға оқытушысы.

Ресми рецензенттер:

1. Абдуллаев Рустамбек Самигович – өнертану ғылымдарының докторы, Өзбекстан мемлекеттік консерваториясы «Өзбек музыка тарихы» кафедрасының профессоры (Ташкент, Өзбекстан).

2. Малдыбаева Раушан Сабыржанқызы – өнертану ғылымдарының кандидаты, «Қазақ ұлттық өнер университетінің» РММ «Музыкатану және композиция» кафедрасының профессоры (Астана, Қазақстан).

Ғылыми кеңесшілер:

1. Бердібай Айжан Рахманқұлқызы – философия докторы (PhD), Құрманғазы атындағы Қазақ ұлттық консерваториясының «Музыкатану және композиция» кафедрасының доценті, «ҚР Мәдениет саласының үздігі» (Алматы, Казахстан).

2. Каромат Дилором Файзуллаевна – философия докторы (PhD), Өзбекстан Республикасы Ғылым Академиясының өнертану институтының аға ғылыми қызметкері (Ташкент, Өзбекстан).

Құрманғазы атындағы Қазақ ұлттық консерваториясының диссертациялық кеңесі Бағлан Жолдасқызы Бәбіжанға «6D040400 – Дәстүрлі музыкалық өнер» мамандығы бойынша философия докторы (РhD) дәрежесін беру туралы шешім қабылдады.

Консерватория ұжымы Бағлан Жолдасқызын ғылыми атағымен құттықтап, шығармашылық табыстарыңыз көп, жұмыстарыңыз әрқашан жемісті болсын деген тілек білдіреді.