Дастан Қазкеновтің «Домбыра – Дастан» атты шығармашылық кешіне шақырамыз

Құрметті өнерсүйер қауым! 

Сіздерді «Алатау» дәстүрлі өнер театрының артисі, «Алатау» этно-фольклорлық ансамблінің мүшесі, Н. Тілендиев атындағы АФЭ «Отырар сазы» оркестрінің артисі, А. Жұбанов атындағы дарынды балаларға арналған РҚМММИ ұстазы, Құрманғазы атындағы Қазақ ұлттық консерваториясының 4-курс студенті, Халықаралық және республикалық байқаулардың лауреаты, күйші Дастан Қазкеновтің «Домбыра – Дастан» атты шығармашылық кешіне шақырамыз!

Тарт күйіңді, домбыра!

Төгіл, төгіл тәтті күй,

Тау суындай сылдыра, 

Шежіре, шешен сұңғыла,-

Құлшына тарт, домбыра! 

Кеш Н. Тілендиев атындағы АФЭ «Отырар сазы» оркестрінің сүйемелдеуімен өтеді. Оркестрдің көркемдік жетекшісі және бас дирижері ҚР еңбек сіңірген қайраткері Дінзухра Тілендиева.

Дирижерлер: ҚР еңбек сіңірген артисі Жалғасбек Бегендіков және ҚР еңбек сіңірген қайраткері Мүсілім Әмзе. 

Кеш қонақтары: ҚР еңбек сіңірген қайраткерлері Секен Тұрысбек, Нұркен Әшіров. Қазақ эстрадасының жұлдыздары Мирас пен Құралай Бекжановтар. Халықаралық және республикалық байқаулардың лауреаттары: Данияр Байжұманов, Ғалымжан Нарымбетов, Нариман Қажымұратұлы, Диас Мұратхан, Ақан Думан, Қанат Нұр және «Алатау» ансамблі мен «Алатау» би тобы. 

Қоюшы режиссер: Жұлдызбек Жұманбай

Өтетін күні: 24 ақпан

Басталуы: сағат 19:00

Мекен жайы: Алматы қ., Нұркент 6.