«Дені сау ұрпақ – болашаққа қамқорлық»
Құрманғазы атындағы Қазақ ұлттық консерваториясында шетелдік студенттермен жылы кездесу өтті. Айта кетейік, 2024–2025 оқу жылында Консерваторияда шетелдік студенттердің клубы ашылған болатын. Бұл – жастардың Қазақстанға бейімделуіне, достық қарым-қатынас орнатуына және Консерваторияның үлкен отбасының мүшесі ретінде сезінуіне мүмкіндік беретін алаң.
Кездесу барысында студенттерге көші-қон үдерістері, оқу және елімізде тұруға байланысты маңызды мәселелер түсіндірілді. Сонымен қатар, қазақстандық мәдениеттегі отбасы құндылықтары – өзара көмек, үлкенді сыйлау және жауапты ұрпақ тәрбиелеу жайында әңгіме өрбіді.
Іс-шара Қазақстандағы Отбасы апталығы аясында өтті. Бүгінгі күннің тақырыбы – «Дені сау ұрпақ». Ол болашаққа қамқорлықпен тікелей байланысты: дені сау, әлемге ашық және ортақ құндылықтармен біріктірілген ұрпақ. Біз студенттік клуб шынайы қолдау мен мәдени диалог алаңы болып, отбасы, достық және түсіністік құндылықтарын нығайтады деп сенеміз.
