Дирижер Мүсілім Әмзе философия докторы (PhD) дәрежесіне ие болды

2022 жылы «21» қараша күні сағат Құрманғазы атындағы Қазақ ұлттық консерваториясында «6D040500 – Дирижерлеу» мамандығы бойынша философия докторы (PhD) дәрежесіне ұсынылған Әмзе Мүсілім Балтабайұлының «Қазақстандағы дирижерлік өнер: қалыптасу тарихы мен даму кезеңдері» тақырыбында диссертация қорғауы өтті. Диссертация Құрманғазы атындағы ҚҰК «Дирижерлеу» кафедрасында орындалған.

Әмзе Мүсілім Балтабайұлы – дирижер, қауымдастырылған профессор, Қазақстанның еңбек сіңірген қайраткері.  Н.Тілендиев атындағы Академиялық фольклорлы-этнографиялық «Отырар сазы» оркестрінің дирижері.

Ресми рецензенттер:

1. Абдинуров Әліби Кұттымбетұлы – өнертану ғылымдарының кандидаты, «Қазақ ұлттық өнер университетінің» РММ «Музыкатану және композиция» кафедрасының доценті (Астана, Қазақстан).

2. Айтуарова Ажар Толықбайқызы – өнертану ғылымдарының кандидаты, доцент (ЖАК), Есік гуманитарлы-экономикалық колледжінің «Эстетикалық білім беру» пәндік-циклдік комиссия оқытушы (Есік, Қазақстан).

Ғылыми кеңесшілер:

1.                Сабырова Әлия Сұлтанмұратқызы – өнертану ғылымдарының кандидаты, Құрманғазы атындағы Қазақ ұлттық консерваториясы «Музыкатану және композиция» кафедрасының профессоры (Алматы, Қазақстан);

2. Каромат Дилором Файзуллаевна – философия докторы (PhD), Өзбекстан Республикасы Ғылым Академиясының өнертану институтының аға ғылыми қызметкері (Ташкент, Өзбекстан).

Құрманғазы атындағы Қазақ ұлттық консерваториясының диссертациялық кеңесі Мүсілім Балтабайұлы Әмзеге «6D040500 – Дирижерлеу» мамандығы бойынша философия докторы (РhD) дәрежесін беру туралы шешім қабылдады.

Консерватория ұжымы Мүсілім Балтабайұлын ғылыми атағымен құттықтап, шығармашылық табыстарыңыз көп, жұмыстарыңыз әрқашан жемісті болсын деген тілек білдіреді.