«Домбыра» номинациясы бойынша жеңімпаздар жарияланды

«Дәстүрлі музыкалық өнер» білім беру бағдарламасы «Домбыра» номинациясы бойынша жоғарғы оқу орындары арасындағы XV Республикалық студенттік пәндік олимпиадасы өтті.

XV Республикалық студенттік пәндік олимпиадасында қатысушылар «Дәстүрлі музыкалық өнер» мамандығы «Домбыра» номинациясы бойынша талапқа сай шығарма және күйлерді орындады. Жоғары оқу арасында олимпиадаға Құрманғазы атындағы Қазақ ұлттық консерваториясынан 7 студент, Т.Қ.Жүргенов атындағы Қазақ ұлттық өнер академиясынан 2 студент, Қазақ ұлттық өнер университетінен 1 студент қатысып, өнерлерін көрсетті. Сонымен Республикалық олимпиадада барлығы 10 үміткер тыңдалды.

Республикалық олимпиаданың тапсырмаларының нәтижелерін сараптап, байқау комиссиясы мынадай марапаттауларды тағайындады:

1) I дәрежелі Министрлік дипломымен – Абдужаббаров Сүндет Маратұлы (Құрманғазы атындағы Қазақ ұлттық консерваториясы);

2) II дәрежелі Министрлік дипломымен – Жарқыннұр Ержанат (Құрманғазы атындағы Қазақ ұлттық консерваториясы); Сатаева Аяна Нұрлановна (Қазақ ұлттық өнер университеті);

3) III дәрежелі Министрлік дипломымен – Сәтім Ернар Сәкенұлы ( Құрманғазы атындағы Қазақ ұлттық консерваториясы);

Қадыр Ерқанат Кенжебайұлы ( Құрманғазы атындағы Қазақ ұлттық консерваториясы);

Тоқтаров Дастан Жанатұлы (Т.Қ.Жүргенов атындағы Қазақ ұлттық өнер академиясы).