Erasmus+ ақпарат күні
2023 жылғы 22 желтоқсанда Құрманғазы атындағы ҚҰК Халықаралық бөлімінің қызметкерлері Абай атындағы Қазақ ұлттық педагогикалық университетінің қабырғасында өткен Erasmus+ ақпарат күніне қатысты.
Аталған іс-шараға ҚР Ғылым және жоғары білім министрлігінің өкілдері, Абай атындағы Қазақ ұлттық педагогикалық университеті, Д. Серікбаев атындағы Шығыс Қазақстан техникалық университеті, Қазақ тұтыну одағындағы Қарағанды университеті, Astana IT University, М. Дулатов атындағы Қостанай инженерлік-экономикалық университеті, AlmaU, KIMEP University, ESN, EMJM өкілдері қатысты.
Іс-шара қатар үш сессияда жүргізілді:
1. Жоғары білім беру әлеуетін арттыру және Жан Моне жобалары
2. Халықаралық несиелік ұтқырлық жобалары, Erasmus Mundus Joint Master's бірлескен магистрлік бағдарламалары және жоғары білім беруді реформалау жөніндегі ұлттық сарапшылар тобының семинары.
3. Әлеуетті студенттерге арналған Erasmus Mundus Joint master's (EMJM).
Абай атындағы ҚазҰПУ Стратегия және интернационалдандыру жөніндегі проректоры Ақтолқын Құлсариева, Еуропалық Одақтың Қазақстандағы елшісі Кестусис Янкаускас, ҚР ҒЖБМ жоғары және жоғары оқу орнынан кейінгі білім комитеті төрағасының орынбасары Гүлжан Жарасова құттықтау сөз сөйледі. Қазақстандағы Erasmus+ Ұлттық кеңсесінің үйлестірушісі Лаура Палуанова модератор болды.
Іс-шара аясында Шайзада Өмірзаққызы Тасболатоваға құрмет көрсетілді, ол халықаралық ынтымақтастықты, ғылымды, білім беруді нығайтуға және Erasmus+ бағдарламаларын дамытуға зор үлес қосты.
Құрманғазы атындағы Қазақ ұлттық консерваториясы Erasmus+ бағдарламасының қатысушысы болып табылады және Еуропалық Одақтың ағымдағы және жаңа халықаралық жобаларына қатысуды жоспарлап отыр.
