Флейта өнерінен сыр шертетін Гала-концерт өтеді
6 сәуір күні Алматы қаласындағы Жамбыл атындағы филармонияда сағат 19:00-де Эдуардо Бельмар (флейта, Германия), Ержан Құшанов (флейта, Қазақстан), Ирина Стачинская (флейта, Ресей) сынды артистердің қатысуымен Гала-концерт өтеді. Гала-концерт төрт күндік тәжірибе өткізген жетекші педагогтардың, олардың ішінде Германия, Қазақстан және Ресей елдерінен – Эдуардо Бельмар, Ержан Құшанов және Ирина Стачинскаяның шеберлік-сағаттарынан тұратын «Халықаралық флейта академиясы» жобасының қорытындысы болмақ.
Академия флейтада орындаушылықты дамытуға және артистердің халықаралық сахнада ілгерілеуіне арналған. Аталмыш концерт академия педагогтарының, Германия, Қазақстан, сондай-ақ Ресейдің жетекші флейташыларының қатысуымен ұйымдастырылып отыр.
Концертте өнер көрсететін жеке орындаушылар қатарына мына өнер иелері кіреді:
Эдуардо Бельмар (флейта, Германия) – Франкфурт (Германия) қаласындағы Опералық оркестрдің жетекші флейташысы. Ол – Майндағы Франкфурт жоғары музыка мектебінің флейта оқытушысы, Мюнхендегі беделді ARD халықаралық байқауының, Gazzelloni және Andalucía халықаралық флейташылар байқауларының лауреаты, Badische Staatskapelle Karlsruhe бұрынғы жетекші флейташысы.
Ержан Құшанов (флейта, Қазақстан) – Париждегі Жоғары Ұлттық Музыка және би консерваториясының түлегі, Жамбыл атындағы Қазақ мемлекеттік филармониясының жеке орындаушысы, Мемлекеттік академиялық Симфониялық оркестрдегі флейта тобының концертмейстері, Banque Populaire қорының лауреаты, Париждегі халықаралық флейта орындаушылары байқауының 1-ші дәрежелі лауреаты.
Ирина Стачинская (флейта, Ресей) – халықаралық байқаулардың лауреаты, Мәскеу Филармониясының жеке орындаушысы, Powell Фирмасының артисі, А.Г.Шнитке атындағы Мәскеу Мемлекеттік Өнер Институтының және Мәскеу Мемлекеттік Мәдениет Институтының оқытушысы.
Көркемдік жетекші және бас дирижер – Қанат Омаров.
Бағдарламада:
К.Ф.Э. Бах. Ре минордағы флейта және ішекті аспаптар оркестріне арналған концерт.
К.Рейнеке. Ре мажор оркестрімен флейтаға арналған концерт.
П.Сарасате. «Сыған әуендері».
А Вивальди. Оркестрге арналған до минордағы флейталық концерт.
Флейташылардың қатысуымен өтетін Гала-концерт өнер әлеміне қадам басқан қаншама жанға үлгі болары анық. Сондықтан да баршаңызды шығармашылық шабыт алып, әсерлі әуен үнімен тынығуға арналған Гала-концертке шақырамыз!