«Флейта», «Скрипка» және «Фортепиано» БББ оқытушыларына арналған Erasmus +

Erasmus+ бағдарламасы шеңберінде 2023-2024 оқу жылында Виго жоғары музыка консерваториясында (Виго қ., Испания) тағылымдамадан өту үшін конкурс жарияланады. Тағылымдама кезінде жоғары оқу орнының оқытушылары мен студенттері үшін семинарлар және/немесе дәрістер, шеберлік сыныптары мен концерт өткізу жоспарлануда.

Сапар күндері: 15-19 сәуір 2024 жыл

Гранттар саны: «Флейта» БББ үшін бір орын, «Скрипка» БББ үшін бір орын және «Фортепиано» үшін бір орын

Конкурстық іріктеуге қатысу үшін кандидаттар мынадай талаптарға сәйкес келуі тиіс:

1) Жауапкершілік және коммуникабельділік;

2) Ағылшын тілін білудің жақсы деңгейі: ауызша/жазбаша сөйлеуді түсіну, дәрістер, семинарлар және шеберлік сыныптары өткізу. Дәрістер мен шеберлік сыныптарын өткізу кезінде ағылшын тілінен/тіліне аудару ұсынылмайды.

Басымдық бұған дейін алмасу бағдарламаларына (Erasmus + және «Еуразиялық қоғамдастық» норвегиялық жобасы шеңберінде) қатыспаған кандидаттарға беріледі.

Жатын орын, жол-көлік және тәуліктік шығындар Erasmus+ бағдарламасы шеңберінде көзделген.

Iрiктеудi қабылдаушы тараптың тиiстi факультетi жүргiзетiн болады.

Ағылшын тіліндегі конкурсқа қатысу үшін:

1) Түйіндеме;

2) Туындылардың атаулары көрсетілген орындаудың аудио-бейне жазбалары (немесе сілтемелері);

3) Тағылымдама себептерінің қысқаша түсініктемесі (MS Word, A4);

4) Шығармаларды 10-15 минутқа жеке орындау бағдарламасы (MS Word, A4).

Өтінім берудің соңғы мерзімі: 2024 жылғы 11 қаңтар

Өтінімдер Халықаралық бөлімде (004 кабинет) қабылданады.