Форум-фестиваль өз жұмысын бастады
19 қазан 2022
Бүгін Алматыда «АУЭР МҰРАСЫ» форум-фестивалі өз жұмысын бастады. Қазанның 19-24 аралығына жоспарланған фестиваль бағдарламасы бойынша шеберлік-сыныптар, дөңгелек үстел, лекциялар және симфониялық музыка концерті өтеді деп күтілуде.
19-21 қазан күндері Құрманғазы атындағы Қазақ ұлттық консерваториясында өткізілетін шеберлік-сыныптарын АҚШ-тан келген кәсіпқой музыканттар бастап кетті. Саша Гросчан виолончельде, Алла Арановская скрипкада, ал, Борис Вайнер альт аспабында орындаушылық шеберліктері мен тәжірибелерін консерватория студенттерімен бөлісіп, ашық дәрістер берді.
"DALA Classic" компаниясымен бірлесе ұйымдастырылып отырған үш күнге жалғасатын шеберлік-сыныптарының және жалпы форум-фестивальдің өту барысын консерваторияның әлеуметтік желілердегі парақшаларынан бақылап отыруларыңызға болады.
Қабылдау 2024