Гузель Мухаметдинова өткізген мастер-класс

2024 жылғы 30 қазанда Құрманғазы атындағы Қазақ ұлттық консерваториясының қабырғасында Татарстанның еңбек сіңірген әртісі, Н. Г. Жиганов атындағы Қазан мемлекеттік консерваториясының Ішекті халық аспаптары кафедрасының профессоры, Татарстан Республикасы Мемлекеттік халық оркестрінің солисті және концертмейстері Гузель Мұхаметдинованың мастер-классы өтті.

«Дәстүрлі музыкалық өнер» білім беру бағдарламасының бакалавриат, магистратура және докторантура студенттеріне арналған мастер-классты Консерватория Халықаралық бөлімінің қолдауымен Халық музыкасы факультетінің Көне музыкалық аспаптар кафедрасы ұйымдастырды. Студенттер көрнекті музыкант пен ұстаздан кеңестер мен нұсқаулар алудың ерекше мүмкіндігіне ие болды. Олар Татарстанның музыкалық мәдениетінің дәстүрлері мен ерекшеліктері туралы білді, бұл олардың музыкалық білімдерін кеңейтіп, халық өнерін түсінуді тереңдете түсті.