II Халықаралық «KOGAN’S COMPETITION» аспапта орындаушылық байқауы өтпек

2022 жылғы 5-15 желтоқсан аралығында ҚР Мәдениет және спорт министрлігінің қолдауымен Алматыда II Халықаралық «KOGAN’S COMPETITION» аспапта орындаушылық байқауы өтпек. Биыл екінші рет ұйымдастырылып отырған байқауды онлайн форматта өткізу көзделіп отыр.

Жобаға қолдау көрсеткендердің қатарында Қазақстан Композиторлар одағы, ҚР МСМ орталық мемлекеттік кино-фото құжаттар мен дыбыс жазбалары мұрағаты, Құрманғазы атындағы Қазақ ұлттық консерваториясы, «Өрлеу – Айткеша Толганбаева» қоры және «Хэсэд Полина Қамқорлық Орталығы» Республикалық еврей қайырымдылық қоғамдық бірлестігі бар.

Байқаудың мақсаты мен міндеттері:

-   заманауи өнердің үздік үлгілерін дамыту;

-    ұлттық мәдениетті жаңғырту, сақтау және көрсету;

-    қазақстандық композиторлардың шығармашылығын дамыту және насихаттау;

-    дарынды жастарды анықтау және қолдау;

-   орындаушылық шеберлік деңгейді жетілдіру;

-  балалар мен жастардың шығармашылық әлеуетін ынталандыру.

Байқау аталымдары:

- «Фортепиано»;

- «Ішекті аспаптар» (скрипка, альт, виолончель, контрабас);

- «Үрмелі және ұрмалы аспаптар» (ағаш, мыс үрмелі мыс және ұрмалы аспаптар);

- «Ансамбльдік өнер» (2-ден 9 қатысушы кез келген аспаптық ансамбльдер);

- «Концертмейстерлік шеберлік» (ішекті, үрмелі, ұрмалы аспаптар мен вокалистердің концертмейстерлері).

Жас санаттары

I 9 жасқа дейінгі жас тобы

II жас тобы 10-12 жас

ІII жас тобы 13-15 жас

IV жас тобы 16-19 жас

V жас тобы 20-24 жас

VІ жас тобы 25-29 жас

«Ансамбльдік өнер» және «Концертмейстерлік шеберлік» номинациялары үшін жас санаттары қарастырылмаған.

Байқау ережесін мына сілтемені басу арқылы жүктей аласыз: ЕРЕЖЕ