III ХАЛЫҚАРАЛЫҚ «БАРИТОНДАР ШЕРУІ» КОНКУРСЫ ӨТПЕК

2022-жылдың қыркүйек, қазан айларында Қазақстан Республикасы Мәдениет және спорт министрлігі, Құрманғазы атындағы Қазақ ұлттық консерваториясының ұйымдастыруымен, Алматы қаласы әкімдігінің қолдауымен III Халықаралық «БАРИТОНДАР ШЕРУІ» конкурсы өтпек. Байқау мақсаты: Ұлттық вокалдық өнер дәстүрлерін дамыту, академиялық ән жанрындағы жас дарынды орындаушыларды анықтау және қолдау, қазақстандық музыкалық мәдениет пен әншілік өнердің үздік дәстүрлерін сақтау. Байқауға жоғары музыкалық оқу орындарының студенттері, конкурсқа қатысу кезінде 20 мен 30 жас аралығындағы кәсіби әншілер (баритондар) қатыса алады.

Байқауды өткізу шарттары

Конкурстық тыңдау екі турда өткізіледі.

1 тур – онлайн форматта тыңдау. Бейнежазбалар YouTube платформасына жүктеледі, бейнелердің сілтемелері konkurs.knk@bk.ru электрондық поштасына 2022 жылдың 10 қыркүйегінен кешіктірмей жіберіледі. Сілтемелерге қол жеткізу конкурсқа қатысушының жауапкершілігінде. Көрсетілген мерзімнен кешіктірілген бейнежазбаларды, сондай-ақ бұзылған сілтемелерді жіберген сайыскерлерді қазылар алқасы бағаламайды.

      Бейне бір жазбада басынан аяғына дейін желімсіз, аудио тректерді қабаттастырмай, қатысушының бойы толық биіктігінде түсірілуі керек. Аздаған бұзушылық, қателіктер болса қатысушы автоматты түрде дисквалификацияланады.

Барлық шығармалар түпнұсқа тілінде, опералардан ариялар түпнұсқа тональдікте, фортепианоның сүйемелдеуімен орындалады.

2-ші турға 15-тен артық қатысушы жіберілмейді.

2 тур – байқауға қатысушылардың концерттік қойылымы 2022 жылдың 1 қазанында Құрманғазы атындағы Қазақ ұлттық консерваториясының Е.Рахмадиев атындағы үлкен концерт залында Абай атындағы ҚазНАТОБ симфониялық оркестрінің сүйемелдеуімен өтеді.

      Байқауға қатысушылардың өнер көрсету тәртібі автоматты түрде өтінімдерді беру кезіндегі реттілік санымен анықталады және бүкіл Байқау барысында сақталады.

- Конкурсқа қатысушылардың құжаттарының тізімі (сканерленген түрде konkurs.knk@bk.ru мекенжайына):

- жеке куәлік/төлқұжат (көшірме);

- музыкалық (арнайы) білімі туралы құжат (көшірме), студенттер үшін – оқу орнынан анықтама;

- қысқаша шығармашылық өмірбаян;

- фотосурет (өлшемі 2 Мб аспайтын);

- нысан бойынша дербес деректерді өңдеуге келісім беру (2-қосымша);

- байқау видеосына сілтеме.

Өтініштер 2022 жылдың 10 қыркүйегіне дейін қабылданады.

Сұрақтар бойынша байланыс телефондары:

Сакышова Гульнар Капасовна +7 702 7656165

Байқау ережесін төмендегі сілтемеге өтіп жүктеңіз:

"Баритондар шеруі" байқауының ережесі