Күйші Махамбет Өтемісұлының 220 жылдығына арналған іс-шара өтті

2023 жылдың 7 желтоқсанында Құрманғазы атындағы Қазақ ұлттық консерваториясының Мәжіліс залында жалынды ақын, жампоз жырау, ержүрек батыр, дәулескер күйші Махамбет Өтемісұлының 220 жылдығына арналған «Елдік пен ерліктің асқақ рухы» тақырыбында дөңгелек үстел өтті.

Іс-шараға ҚР Халық артисі, Мемлекеттік сыйлық иегері, профессор Б.Жаманбаев, ҚР Халық артисі, профессор Ғ.Есімов, тарих ғылымдарының докторы, профессор Ғ.Халидуллин, филология ғылымдарының докторы, профессор Ә.Ғарифолла, Халықаралық «Алаш» әдеби сыйлығының лауреаты, Президент сыйлығының иегері Ж.Құлиев, филология ғылымдарының докторы Ғ.Зейнел, филология ғылымдарының кандидаты Б.Бәбіш, Қазақстанның Еңбек сіңірген қайраткері, ақын М.Ыбыраев, өнертану ғылымдарының кандидаты, профессор Г.Әбдірахман, өнертану ғылымдарының кандидаты, ҚР БҒМ БҒСБК қауымдастырылған профессоры Ғ.Бегембетова, өнертану ғылымдарының докторы, профессор С.Өтеғалиева, ҚР Мәдениет қайраткері, профессор Т.Тоқжанов, ҚР Еңбек сіңірген қайраткері, филология ғылымдарының кандидаты С.Жанпейісова, Қазақстанның Еңбек сіңірген қайраткері, профессор К.Сахарбаева қатысты.

Дөңгелек үстел барысында Махамбет Өтемісұлының тарихи шежіресі, музыкалық мұрасы, туындылары жөнінде айтылды. Соынмен қатар, жарық көретін Махамбет энциклопедиясы мен алдағы уақыттарға жоспарланған іс-шаралар туралы ой-пікірлер бөлісті.

Сондай-ақ, осы күні Е.Рахмадиев атындағы Үлкен концерт залында «Халық музыкасы» факультетінің ұйымдастыруымен «Ереуіл атқа ер салмай» атты ән-жыр-күй кеші өтті.

Концертке Қазақстанның Еңбек сіңірген қайраткері К.Сахарбаева, Қазақстанның Еңбек сіңірген қайраткері С.Жанпейісова, Мәдениет саласының үздігі С.Құдайбергенова, PhD докторы Е.Жәмеңкеев, Халықаралық және республикалық конкурстардың лауреаты, 1 курс докторанты Ә.Алина, Мемлекеттік «Дарын» жастар сыйлығының иегері, Мәдениет саласының үздігі Т.Саденов, Халықаралық және республикалық конкурстардың лауреаты Н.Зинор қатысты.

Сондай-ақ, кеш бағдарламасы аясында «Халық әні» кафедрасының студенттері және Мәдениет саласының үздігі Асылбек Кенегесовтың жетекшілігімен 1-курс домбырашылар ансамблі, дирижер, халықаралық және республикалық конкурстардың лауреаты Әбілхайыр Бейсековтың жетекшілігімен «Халық аспаптар оркестрі» Махамбет Өтемісұлының жыр-термелері мен күйлерін орындап, көрермен қошеметіне бөленді.