«Күзгі диалог» – ақын Бақыт Қайырбековпен кездесу
2023 жылдың 22 қарашасында Құрманғазы атындағы Қазақ ұлттық консерваториясының оқу залында Қазақстандық белгілі ақын, кинорежиссер, сценарист, либреттист, Қазақстанның еңбек сіңірген қайраткері Бақыт Қайырбековпен «Күзгі диалог» тақырыбында шығармашылық кездесу өтті.
Іс-шараны ғылыми-ақпараттық кітапхана қызметі, халықаралық бөлім және әлеуметтік-гуманитарлық пәндер кафедрасы ұйымдастырды. Осы тұрғыда аталмыш келелі кездесу консерватория қабырғасында жаңадан құрылған «Шамшырақ» әдеби клубының алғашқы іс-шарасы екендігін айта кеткен жөн. Өнертану ғылымының кандидаты, арт-менеджмент кафедрасының доценті, халықаралық бөлімнің жетекшісі Дамир Уразымбетов кеш модераторы болды.
Кездесуге консерваторияның ПОҚ және студенттер қатысты. Б.Қайырбековтың шығармашылығына терең бойлаған 17 студент ақынның өлеңдерін оқып, ғылыми-деректі фильмдердің авторы мен сценаристіне оның шығармашылық жұмысы мен өмірлік көзқарастары туралы сұрақтар қойды. Шара барысында кеш қонағының еңбектерінен үзінділер көрсетілді. Ақын қатысушыларға арнап өзінің бірқатар шығармаларын оқыды.
Отандық әдебиеттің көрнекті өкілімен кездесу жастардың шығармашылық шабытына, тәрбиесіне, ұлттық құндылықтарды дәріптеуге септігін тигізді. Кездесу соңында Б. Қайырбеков өз кітаптарын Консерватория кітапханасына сыйға тартты. Олармен оқу залында танысуға болады.
1. Каирбеков, Б. Г. Кочующие в мирах / Б. Г. Каирбеков. – Москва : РУДН, 2023. – 244 с.
2. Каирбеков, Б. Ласка лета : Избранная лирика / Б. Г. Каирбеков. – Алматы : Идан, 2023. – 116 с.
3. Каирбеков, Б. Чаша. Посвящения : Стихи / Б. Каирбеков. – Алматы : Идан, 2023. – 116 с.
4. Каирбеков, Б. Г. Части целого : Избранное в 2-х томах. Т. 1 : Стихи и проза / Б. Г. Каирбеков. – Алматы : Атамұра, 1998. – 376 с.
5. Каирбеков, Б. Г. Части целого : Избранное в 2-х томах. Т. 2 : Стихи, проза, переводы / Б. Г. Каирбеков. – Алматы : Атамұра, 1998. – 320 c.
5. Каирбеков, Б. Г. Многоточие. Стихотворный пэчворк : Стихи, эссе / Б. Каирбеков. – Алматы : Идан, 2018. – 500 с.
6. Шакарим Кудайберды-улы Родословная тюрков, казахов, киргизов. Династии ханов. / Ш. Кудайберды-улы; пер. Б. Каирбекова. – Алма-Ата : Дастан, 1990. – 120 с.
Консерватория ұжымы Бақыт Ғафуұлы Қайырбековке студенттер мен оқытушыларға шабыт сыйлаған кездесуі үшін зор алғыс білдіріп, жаңа шығармашылық жетістіктер тілейді.
