ХАЛЫҚАРАЛЫҚ ФЛЕЙТА АКАДЕМИЯСЫ ӨТІНІШТЕР ҚАБЫЛДАЙДЫ
Халықаралық флейта академиясы, Батырхан Шүкенов атындағы Қоғамдық қор мен Болат Өтемұратов Қорының қолдауымен, 2022 жылдың 2-6 сәуірі күндері аралығында Алматы қаласында, Жамбыл атындағы Қазақ мемлекеттік филармониясының негізінде өтеді. Өтініштер 2022 жылдың 16 наурызына дейін қабылданады. Академия 7 жастан бастап флейта бойынша сыныпта оқитын оқушылар мен студенттер және кәсіби орындаушылар (жасы шектеусіз) үшін ашық.
ЖОБА ТУРАЛЫ:
Халықаралық флейта академиясы: Германия, Қазақстан және Ресейдің жетекші оқытушылары – Эдуардо Бельмар, Ержан Кушанов және Ирина Стачинскаяның төрт күндік практикалық шеберлік сабақтары. Академия мақсаты – флейтада ойнауға және әртістерді халықаралық сахнада насихаттау. Сонымен қатар, академияны өткізу күндерінде Мәскеу флейта орталығының көрмесі өтіп, аспапты күту және жеңіл жөндеу жөніндегі практикалық шеберлік сабақтары жүргізіледі.
КІМГЕ АРНАЛҒАН:
Қатысуға конкурстық негізде 12 адам жіберіледі. Академияға 7 жастан асқан оқушылар мен студенттер, мамандандырылған музыка мектептерінің, балалар музыка мектептерінің, балалар өнер мектептерінің, арнаулы орта оқу орындарының және жоғары оқу орындарының оқушылары, сондай-ақ кәсіби орындаушылар қатыса алады.
Іріктеу екі кезеңмен өтеді: 1-кезең (2022 жылдың 16 наурызына дейін) – үміткерлерден өтінімдер мен бейне жазбаларды қабылдау. Бейнелерді анонимді негізде кәсіби қазылар алқасы мен флейта академиясының ұйымдастырушылары қарайды. Өтінімдер, құжаттар және бейнелерге сілтемелер academy@batyr.foundation электрондық поштасы арқылы 2022 жылдың 16 наурызына дейін қабылданады. 2-кезең (2022 жылдың 24 наурызына дейін) – флейта академиясының оқытушыларымен және ұйымдастырушыларымен онлайн-сұхбат.
ІРІКТЕУДІҢ ҚОРЫТЫНДЫ НӘТИЖЕЛЕРІ 2022 ЖЫЛДЫҢ 25 НАУРЫЗЫНДА ЖАРИЯЛАНАДЫ.
ӨТІНІМГЕ ҚОЙЫЛАТЫН ТАЛАПТАР: Өтінімге қоса тіркеледі: 1) Нысан бойынша толтырылған өтінім (міндетті мәтіндік файл); 2) Туу туралы куәліктің сканерленген нұсқасы немесе төлқұжаттың бірінші бетінің сканерленген нұсқасы (PDF немесе .jpg форматындағы электрондық нұсқасы); 3) youtube арнасындағы, файл алмастырудағы немесе бұлттық қоймадағы бейнеге сілтеме. Бірінші кезеңнен өткен жағдайда сізбен онлайн-сұхбат күнін белгілеу үшін хабарласады. Қатысуға шақырылған жағдайда, Академия қатысушысының келісіміне қол қою қажет болады.
БЕЙНЕЖАЗБАҒА ҚОЙЫЛАТЫН ТАЛАПТАР: Бейнежазбаның сапасы жақсы, дыбысы анық болып, кадрда орындаушының беті мен қолы көрініп тұруы керек. Бейнежазба бір түсірілімде орындалып, өңделмеуі тиіс. Бейнежазбаларды концертмейстер қабылдайды.
МАҢЫЗДЫ! Өтініміңіз бен бейнеңіз дұрыс қабылданып қаралуы үшін бізге хат жолдағаныңызды Whatsapp: +7(747)248-30-20 арқылы хабарлауыңызды сұраймыз.
ҚАЛАЙ ӨТЕДІ: 5 күн ішінде тәжірибелік шеберлік сабақтар өткізіледі. Академияның 12 қатысушысы төрт адамнан тұратын үш топқа бөлінеді, осылайша жобаға қатысушылардың әрқайсысы академия оқытушыларының әрқайсысымен жеке сабақ – 40 минуттан 4 сабақ – өткізу мүмкіндігіне ие болады. Академияға келудің екі нысаны қарастырылған: - белсенді қатысушы – 40 минут оқытушылармен күнделікті жеке сабақ, дәрістер; - пассивті қатысушы – сабаққа еркін қатысу, тыңдаушы.
ҚАЗАҚСТАННЫҢ БАСҚА ҚАЛАЛАРЫНАН КЕЛГЕН ҚАТЫСУШЫЛАР ҮШІН ШАРТТАР:
• Қатысушылардың жол жүруі, тұруы және тамақтануы өз есебінен төленеді.
• 16 жасқа толмаған балалар ата-анасының немесе қамқоршысының сүйемелдеуімен келеді.
• Бейнежазба арқылы бірінші іріктеу кезеңінен сәтті өткен болсаңыз, онлайн-сұхбат 20 наурыз бен 23 наурыз аралығында белгіленеді. Соңғы нәтижелер 25 наурызға дейін (қоса алғанда) белгілі болады. Байланыста болып, 25 наурыздан бастап 2 сәуірге дейін Алматыға билеттерді сатып алу мүмкіндігін алдын ала қарастыруыңызды сұраймыз.
АКАДЕМИЯНЫҢ БІРЛЕСКЕН ҰЙЫМДАСТЫРУШЫСЫ Kushanov Music Group – Халықаралық академияларды, фестивальдарды, шеберлік сабақтарды, конференциялар мен көрмелерді ұйымдастыру арқылы Қазақстанда классикалық музыканы насихаттау мақсатында Ержан Кушанов құрған қоғамдастық.
Мәскеу флейта орталығы (Ресей) – ТМД аумағындағы ең ірі орталықтардың бірі. Орталық көптеген жетекші әлемдік флейта брендтерінің ресми дилері болып табылады, аспаптарды, флейта мен флейташыларға арналған түрлі керек-жарақтарды сатумен қатар, орталық аспаптарға кепілді жөндеу жұмыстарын ұсынады.
СЕРІКТЕСТЕР ЖӘНЕ ҰЙЫМДАСТЫРУШЫЛАР: Батырхан Шүкенов атындағы Қор туралы www.batyr.foundation сайтынан біле аласыздар. «Батырхан Шүкенов атындағы қор» Қоғамдық қорының негізі 2015 жылы қаланды. Қордың миссиясы – Қазақстанда белсенді және күшті мәдени ортаны қалыптастыру, көздеген мүдделерінің бағыты – білім беру, баспа және зерттеу қызметтері.
Ал негізі 2014 жылдың басында қаланған Болат Өтемұратов Қоры туралы www.utemuratovfund.org сайтынан біле аласыздар. Қордың миссиясы – денсаулық сақтауды, білім беру мен мәдениетті дамытуға ықпалдаса отырып, Қазақстанды бүгін және болашақта адамдардың өмір сүруі үшін үздік мекенге айналдыруға көмектесу.