Хвасунда (Республика Корея) өткен халықаралық форум

2024 жылғы 18–19 қазан аралығында Хвасун қаласында (Корея Республикасы) Hwasun International Forum-ы өтті.

Ол форум тұрақты туризм және мәдени мұраны сақтау мәселелеріне арналған мәдени іс-шара. Іс-шара тұрақты туризм моделін талқылау және тәжірибе алмасу үшін Дүниежүзілік туристік ұйым (UNWTO) мойындаған жетекші туристік ауылдардың (BTV-Best Tourist Villages) сарапшылары мен өкілдерін жинады.

Педагогика ғылымдарының кандидаты, социоантрополог, Құрманғазы атындағы Қазақ ұлттық консерваториясының арт-менеджмент кафедрасының профессоры және Culture Masters халықаралық қорының сараптама бюросының мүшесі Евфрат Мамбеков Хвасун форумына белсене қатысты. Іс-шара аясында ол Алматы туристік өңіріндегі ахуал туралы және мәдени мұраны сақтау және ілгерілету аспектісінде туризмді дамыту бойынша жергілікті қоғамдастықтардың (атап айтқанда, Саты ауылы) жұмысы туралы талдамалық баяндама ұсынды.

Форум 2003 жылғы ЮНЕСКО Конвенциясының рухы мен хатына сәйкес Мәдени мұра объектілерін сақтауға және қауымдастықтарды материалдық емес мәдени мұраны танымал етуге тартуға байланысты тұрақты туризмді дамыту стратегияларын белгілей отырып, халықаралық және жергілікті сарапшылар арасында білім алмасу платформасын ұсынды.